Burela, 28 de xaneiro de 2025. O Concello de Burela informa aos seus veciños e veciñas do remate dunhas obras para arranxar varios problemas que tiña a Casa da Cultura.
En concreto, “solucionamos os problemas de goteiras e filtracións na cúpula do auditorio, cunha actuación de impermeabilización e cambio de canalóns, e fixemos outros traballos nas terrazas e a fachada do edificio”, explica Ramiro Fernández, concelleiro de Obras.
“Tamén melloramos os accesos á biblioteca e á Casa da Cultura, pensando nos veciños e veciñas con problemas de mobilidade, e instalamos unha pantalla que informa dos eventos no concello”, engade. O investimento nas obras superou os 67.000 euros.
Ademais, pronto realizarase outra actuación de maior envergadura, uns 150.000 euros para aillamiento térmico, calefacción e outros aspectos de eficiencia enerxética que necesita o inmoble. Para esta obra, o concello obtivo unha subvención con fondos europeos.
A alcaldesa de Burela, Carmela López, destaca “a importancia destas obras, a cultura é unha prioridade para o noso goberno e todas as instalacións municipais deben estar nas mellores condicións posibles de accesibilidade, eficiencia enerxética e outros servizos”.
Lina Gómez, concelleira de Cultura, pon en valor “a ampla programación cultural para todas as idades que ten Burela, cada vez máis desestacionalizada. Temos un novo convenio con Agadic (rede de bibliotecas) con teatro infantil e de adultos, e as colaboracións con diferentes asociacións do pobo en eventos que organizan; algúns que xa levan instaurados varios anos e outros novos que virán”, engade Gómez.
“Un auditorio en mellores condicións non só beneficia a actividade cultural, senón tamén á economía local, atraendo así artistas, compañías e público que apostan polo noso concello como punto de referencia cultural. Seguiremos tendo en conta as necesidades da veciñanza como coa a ampliación de horario da biblioteca no Nadal, ou a futura renovación integral desta”, remata a concelleira de Cultura.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
