Ribadeo, 9 de setembro de 2019. O salón de plenos acolleu esta mañá a recepción ofrecida a cinco deportistas do Club de Remo de Ribadeo polos éxitos colleitados ao longo deste 2019. Trátase de Lucía Cotarelo Fernández, María Cociña López, Nerea Lago Cobas, Álex Fernández García e Sergio Molina Martín. Os cadetes estiveron arroupados polas súas familias e polos seus adestradores. Na recepción participaron o alcalde de Ribadeo, Fernando Suárez, e o concelleiro de Deportes, Jorge Díaz.
O rexedor salientou que “vemos que este club ten unha traxectoria moi importante. Renaceu non hai moito. Nos anos oitenta existía, desapareceu durante moitos anos e volveu renacer hai moi pouco tempo con moitas dificultades e problemas, pero dunha maneira sólida porque vemos que non vai a menos, senón todo o contrario, vai a máis”.
Suárez Barcia manifestou que “procuramos desde o Concello darlles todo o apoio que precisen, sabendo que moitas veces non é tan rápido como nos gustaría. Sei que durante varios anos estiveron duchándose en frío, que non sei si lles fixo máis fortes, ata que finalmente puidemos facer todas aquelas actuacións de dar un mínimo de dignidade cuns servizos, uns aseos e unhas duchas. Tamén sabemos que hai problemas coas mareas, que hai unha serie de incidencias que fan singular, para ben e para mal, a zona na que están”.
O alcalde subliñou que “valoramos moito que en tan pouco tempo e con directivos e directores de adestramento e de planificación puideran chegar a tan alto en tan pouco tempo. Ademais vemos que é unha tónica que empeza a ser habitual que teñamos que facer estes recoñecementos polos éxitos de ano a ano. A min enorgullécenme todos os deportes, pero singularmente estes que son duros, minoritarios, complicados, que non teñen horario senón os das mareas e da lúa, iso ten un plus engadido e polo tanto aquí volo queremos recoñecer e valorar”.
Suárez Barcia animounos a seguir practicando este deporte, pero sen deixar de lado os seus estudos.
O concelleiro de Deportes, Jorge Díaz, dirixiuse aos deportistas dicindo que “queremos agradecervos o esforzo e seguide así de fortes para levar o nome de Ribadeo por aí adiante”.
Os cinco deportistas recibiron outras tantas estatuíñas de recoñecemento. Álex Fernández polas medallas de bronce en 8+ e 4- cadete masculino, acadadas no Campionato de España de Remo, celebrado en Castrelo do Miño neste 2019; Sergio Molina pola medalla de bronce conseguida en 4- cadete masculino no Campionato de España de Remo, celebrado en Castrelo do Miño neste 2019; Lucía Cotarelo pola medalla de bronce 8+ cadete feminino acadada no Campionato de España de Remo, celebrado en Castrelo do Miño neste 2019; María Cociña polas medallas de bronce conseguidas en K8 e K4 cadete feminino acadadas no Campionato de España por Autonomías en Castrelo de Miño, pola medalla de bronce en 2x cadete feminino no Campionato de España de larga distancia en Castrelo de Miño, e pola medalla de bronce en 2x cadete feminino no Campionato de España de Remo Olímpico en Bañolas; e Nerea Lago pola medalla de ouro en remoergómetro cadete feminino acadada no Campionato de España de Ourense, pola medalla de bronce en K8 cadete feminino conseguida no Campionato de España en Castrelo de Miño, pola medalla tamén de bronce en 2x cadete feminino no Campionato de España de larga distancia en Castrelo de Miño e pola medalla de bronce en 2x cadete feminino no Campionato de España de Remo Olímpico en Bañolas.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
