Ribadeo, 14 de maio, 2026. Ribadeo recupera espazos públicos en Rinlo, grazas a un investimento de 30.000 euros da Xunta de Galicia, a través da Consellería do Mar.
O alcalde, Dani Vega, explicou que “seguimos planificando e mellorando espazos naturais, zonas verdes, espazos aos que moitas persoas aceden, están paseando ou están practicando deporte, e desde logo tamén conservamos o patrimonio. O lavadoiro de Rinlo, o lavadoiro do Cristo, a fonte do Cristo, era un espazo que estaba certamente abandonado, todo cheo de pintadas, con falta de lousas, goteiras, estaba certamente con lixo no seu entorno.. E desde logo non era a mellor carta de presentación para ese turismo de calidade ou ese Ribadeo verde”.
O rexedor subliñou: “nosoutros queremos convertelo nun espazo acolledor, rehabilitamos o que ven sendo o lavadoiro, repuxemos pizarra, lousa e a tella que lle faltaba na cuberta, tamén rehabilitamos o seu interior e conservamos a madeira, eliminamos eses cristais que se poñían e ao pouco tempo se rompían. E o que puxemos foron unhas varandas para que prohiban a entrada de calquera maneira polas ventás. Tamén recuperamos e conservamos, rehabilitamos a madeira que está protexendo espazos para que a xente non caia ou non vaia por zonas que evidentemente non son seguras. Tamén os pivotes do aparcadoiro, a limpeza das prazas do aparcadoiro, que xa non se vían. Rehabilitamos tamén o que vén sendo a fonte de Rinlo, coa conservación da pedra, puxemos un protector desa pedra que se desfacía porque co paso do tempo, evidentemente non era unha pedra que tivera un valor arquitectónico, senón que era bañada en cemento e a iso hai que poñerlle un fixador ou un protector, limpamos no seu entorno, limpamos o conduto, tamén arranxamos o que ven sendo todo o camiño, a zona peonil, agora vamos recoller as augas para que non veñan por medio da pista e se destroce todo, o mobiliario urbano e tamén a zona máis paisaxística, máis verde, con esa conservación”.
Para Vega “este espazo, que é un espazo que debemos conservar, é un espazo cultural tamén, porque hai unha cultura detrás de todo isto, aquí eran as redes sociais naquel momento, onde se xuntaban todas as persoas no lavadoiro, falaban, conversaban, á fonte do Cristo tamén acudían moitos veciños e seguen acudindo de forma distinta, pero evidentemente para saber de onde vimos é bo non borrar espazos culturais, espazos que teñen moito sentimento, e desde logo nosoutros o que quixemos foi investir, 100% de orzamento procedente da Xunta de Galicia, estes 30.000 euros que veñen por parte da Consellería do Mar, de Patrimonio do Mar”.
O alcalde considera que “é unha moi boa noticia. Nesta liña é na que vamos, rehabilitamos outros lavadoiros tamén en Rinlo, e noutras parroquias, e hoxe damos un salto importante tamén na conservación do patrimonio, baixo esa programación, baixo esa conservación de todos os espazos verdes e de todos os espazos naturais”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
