BARREIROS .- O responsable municipal do BNG, Antonio Veiga, solicitará ao pleno que se celebrará o luns que se faga un pantalán flotante na zona da Anguieira. A proposta de Antonio Veiga e que “se retome aquel proxecto redactado por Portos de Galicia e que ía acompañado da remodelación da praia da Anguieira e do seu paseo marítimo, pero as obras de Costas remataron e do pantalán nunca máis se soubo”
Nota de Prensa
O BNG DEMANDA A TRAVÉS DUNHA MOCIÓN A CONSTRUCCIÓN DUN PANTALÁN FLOTANTE NA ZONA DA ANGUIEIRA.
Barreiros, 24 de xullo de 2008. O BNG ven de presentar unha moción no Concello de Barreiros para o seu debate no pleno do luns, na que pide que se retome o proxecto de construcción dun pantalán flotante na zona da Anguieira. O voceiro nacionalista, Antonio Veiga, considera que <todo o mundo é consciente de que Barreiros necesita moitas infraestructuras a nivel turístico, e hai un eido esquecido que é o marítimo>. Veiga lembra que <xa no ano 2001 se proxectou a construcción dun pantalán na zona da Anguieira ao lado do actual espigón que é moi necesario porque hai moitos barreirenses con embarcacións deportivas e de recreo e por outra banda toda a xente que nos visita no verán tamén quere disfrutar das súas embarcacións nos meses de xullo e agosto, pero desgraciadamente non hai esa infraestructura necesaria>.
Desde o BNG de Barreiros <queremos que se retome aquel proxecto redactado por Portos de Galicia e que ía acompasado da remodelación da praia da Anguieira e do seu paseo marítimo, pero as obras de Costas remataron e do pantalán nunca máis se soubo>. Antonio Veiga asegura que <aquel pantalán andaba polos sete millóns de pesetas e agora xa vai ser moito máis caro. Nós instamos á alcaldía a que adopte as medidas necesarias para retomar a execución dese proxecto do pantalán da Anguieira dirixíndose aos organismos competentes coa maior celeridade posible e co obxecto de concretar a disponibilidade orzamentaria e os prazos de execución da obra. O verán que ven Barreiros ten que dispoñer de toda esta infraestructura tan demandada por veciños e visitantes>.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
