Nota de Prensa
O BNG SOLICITA A NULIDADE DO PLENO NO QUE SE APROBARON OS ORZAMENTOS DE BARREIROS PARA 2008. OS NACIONALISTAS DIN NAS SÚAS ALEGACIÓNS QUE OS PRESUPOSTOS SON IRREGULARES E QUE ESTÁN INFLADOS.
Barreiros, 30 de outubro de 2008. O BNG ven de solicitar a nulidade do pleno no que se aprobaron os orzamentos de Barreiros para o 2008. O edil nacionalista, Xesús Díaz, asegura que <dende o BNG vimos denunciando ano tras ano as irregularidades que o equipo de goberno do PP ven cometendo na elaboración dos orzamentos. Este ano anuncióuse a bombo e platillo que coa incorporación de José Rojo, coma concelleiro de Economía, todo ía cambiar e é verdade que todo cambiou pero para peor>.
Díaz expón tres incidencias claves polas que reclaman a nulidade desa sesión plenaria celebrada o 26 de setembro. <A primeira é relativa ao prazo de presentación do documento. Cando observamos que no Estado español, que na Xunta de Galiza e nos demáis concellos do noso entorno se están a discutir os presupostos para 2009, aquí seguimos con retraso e estamos tentando aprobar os do 2008 cando o ano está a piques de rematar. Non ten sentido ningún, pero en Barreiros seguimos funcionando así>, segue a contar o concelleiro nacionalista.
Sen informe de intervención
Xesús Díaz di que <hai outro asunto que ten visos de ser ilegal. É a tramitación do documento de orzamentos non reúne as condicións do procedemento establecido pola lei de réxime local. Neste proxecto hai unha serie de documentos que se teñen que remitir e prívasenos aos concelleiros da oposición e aos do equipo de goberno porque non se presenta o preceptivo informe de intervención que é básico para que os membros da Corporación teñan a información correspondente por parte dun funcionario que é máis entendido que nós nesto que é a secretaria-interventora. Ela ten que expoñer cal é a situación real do Concello e dos orzamentos que se nos presentan>. O concelleiro do BNG en Barreiros engade que <o motivo polo que non se presentou o informe de intervención é que anteriormente a secretaria xa informara de xeito desfavorable sobre uns presupostos que nos quixeran presentar e como estes son peores que os anteriores entón négannos o informe porque sabían que ía ser negativo. Esto é moi grave porque a secretaria en principio é a que máis sabe do que pasa no Concello e senón lle deixan informar éporque aquí está pasando algo gordo>.
Partidas desorbitadas
Nas alegacións presentadas polo BNG aos orzamentos de Barreiros para 2008, os edís nacionalistas tamén aluden aos capítulos de ingresos e gastos. Xesús Díaz asegura que <os presupostos son irreais, inflados e non se axustan á realidade económica do noso Concello. Por poñer un exemplo claro no caso dos ingresos: no tocante ao IBI, as licencias de construcción e de primeira ocupación que hai orzamentados…están presupostados casi o doble do que se leva ingresado ata o momento. Faltan dous meses para que remate o ano e ou os promotores-constructores se poñen a facer cousas rarísimas e a traballar a destajo, e vendo tal e como están as cousas creo que non vai ser posible, xa que o presuposto se incrementou se xeito desorbitado. No tocante ás subvencións solicitadas a outras administracións como a Xunta ou o Estado, aparecen partidas que a día de hoxe xa foron denegadas, ousexa que están contabilizadas partidas que xa se sabe que non nos van conceder. E no caso dos gastos de persoal, o comprometido xa é superior agora ao presupostado para este ano, e cos gastos correntes pasa o mesmo>.
O edil do BNG avisa aos veciños de Barreiros de que <estas irregularidades provocarán a perda de servizos e que moitas obras non se poidan realizar xa que os ingresos non serán suficientes e hai partidas de gastos que van fagocitar casi todo o orzamento. Por todo isto solicitamos a declaración de nulidade do pleno no que se aprobaron os orzamentos de Barreiros para 2008>.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
