NOTA DE PRENSA:
No 2009 a nosa comarca recibirá menos cartos en investimentos para obras e servizos determinados que os que se comprometeron no 2005, último ano de Goberno do Partido Popular en Galicia
A APROBACIÓN DEFINITIVA DAS CONTAS AUTONÓMICAS E ESTATAIS CERTIFICA A MARXINACIÓN DA MARIÑA LUCENSE
* No que vamos de lexislatura, co bipartito, o investimento por habitante caeu máis do 50%: Dos 400 euros no 2005 pasamos a 199 para 2009. Tan só na última anualidade a redución é superior aos 52 euros.
* O escaso investimento demostra que o VAC Ferrol-SanCibrao-Barreiros non estará listo no 2011 tal e como prometeron Touriño e María José Caride
* O Hospital da Costa recibe 600 mil dos máis de 6 millóns que deberan investirse, segundo a previsión plurianual de gastos, para acometer a ampliación da súa estrutura e a mellora dos seus servizos.
A Mariña, 19 de decembro de 2008.- Segundo o Partido Popular a aprobación definitiva das contas autonómicas e estatais certifican a marxinación da Mariña lucense, ao menos está é a conclusión que se desprende da análise efectuada despois de que PSOE e BNG deran o seu apoio aos que xa son de xeito oficial os orzamentos para 2009 tanto da Xunta de Galicia como da Administración Xral do Estado.
O Partido Popular comarcal lembra que para o ano próximo a Mariña lucense recibirá menos cartos en investimentos para obras e servizos determinados que os que se comprometeron no ano 2005, última etapa de Goberno do Partido Popular na Xunta de Galicia. Mentres cos populares as contas autonómicas reflectían achegas por valor de 30 millóns de euros, no 2009 as partidas con destino concreto a algún ou varios dos concellos da nosa comarca tan só chegan aos 14,9 millóns de euros, isto é menos da metade.
Facendo balance de termos de investimento por habitante os datos son, a xuízo do PP, suficientemente elocuentes: Mentres no 2005 o Goberno do PP destinaba 400 € aos mariñáns, o actual Executivo autonómico veu diminuíndo estas achegas ata reducilas en máis da metade. Hoxe cada mariñán recibe 199 euros “E polo que, nesta lexislatura acabamos perdendo máis do que recibimos”. Se a comparación a facemos cinguíndonos á ultima anualidade, os mariñáns deixarán de recibir 52 euros, isto é, -176 menos cao resto dos lucenses (que reciben 374 no seu conxunto) e unha cifra moi lonxe dos 1.185 que reciben o conxunto dos galegos
ÁMBITO ESTATAL: OBRAS ESQUECIDAS
Situación similar acontece no caso das contas estatais que, neste caso, esquecen facer mención expresa a proxectos tan prioritarios como a apertura ao tráfico xeral comercial do peirao norte de ALCOA -todo iso, pese a existir un acordo parlamentario das tres forzas políticas instando a necesidade de acometer esta actuación- . O PPdeG defendeu no seu momento a consignación dun millón de euros para esta actuación (ver folla anexa) máis esta petición foi desprezada e rexeitada por socialistas e nacionalistas.
CONTAS ESTATAIS
Os orzamentos do Estado contemplan unha achega 500 mil euros para a vía entre San Cibrao e Barreiros unha cantidade que, en todo caso, é moi insuficiente para unha infraestrutura cuxas obras aínda non se teñen iniciado.
Durante a anterior lexislatura e no presente ano, o Goberno da Zapatero limitouse a achegar 50.000 euros para desenvolver este actuación, nin un só céntimo do comprometido para o corredor, no treito de competencia estatal, chegou a investirse e nada parece indicar que a situación no futuro sexa diferente.
CONTAS AUTONÓMICAS
No referente as contas da Xunta de Galicia o estado de gastos consensuados polo PSOE e polo BNG -sen achega algunha dos populares, despois de que o bipartito rexeitara máis de 150 emendas do PP para a comarca- reinciden na liña de esquecer proxectos de interese prioritario.
Así por exemplo, pese ás múltiples promesas efectuadas por distintos responsables do Servizo Galego de Saúde e da Consellería de Sanidade o Hospital da Costa é o único dos centros de atención médica especializada en Galicia que non dispón dunha cantidade específica para desenvolver o seu plan funcional. E máis, o centro hospitalaria mariñán limítase a recibir 680.000 euros dos máis de 6 millóns que o ano pasado comprometéronse achegar para mellorar e ampliar a súa estrutura e servizos.
No referente a Vía de Alta Capacidade, as contas do 2009 certifican que esta infraestrutura non estará no 2011, e polo tanto que faltaban á verdade Touriño e Maria José Caride cando publicamente falaron desta data como o horizonte temporal de finalización da obra. Lonxe desta realidade o certo é que, máis do 80% do investimento neste vial chegará a partir do 2012 e anos seguintes polo que, a deliberada paralización nestes catro anos e a falta de investimentos afastan, aínda máis, a data de entrada en servizo desta nova vía chamada a vertebrar e comunicar a nosa comarca co resto do territorio
PERDA DE PESO SIGNIFICATIVA
Da análise polo miúdo dos datos definitivos sobre as contas autonómicas para 2009 confírmase a información adiantada no seu día polo PPdeG varias consellerías e organismos de competencia autonómica que, no desgolse dos seus orzamentos reais, non comprometen nin un só euro con destino concreto na Mariña: Para Pesca, Medio Rural, Industria, Economía, Cultura e Deporte, Medio Ambiente e Traballo os mariñáns non existen
Segundo os populares cada un destes datos evidencian a progresiva perda de peso da nosa comarca no conxunto de Galicia e de España, todo iso pese a ser unha das áreas de máis dinámicas e con maior potencionalidade da provincial lucense. Nos orzamentos elaborados polo BNG e polo PSOE A Mariña é a gran esquecida.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
