BURELA .- A conselleira de Sanidade, María José Rubio Vidal, visitou o Hospital da Costa, en Burela, que dende hai quince días conta con un novo TAC no departamento de Radioloxía. A titular da Sanidade pública galega agarda que, no ano 2012, poidan estar concluídas todas as obras necesarias para esta área sanitaria, que teñen un orzamento de 9,4 millóns de euros.
Fonte
A conselleira de Sanidade visitou o Hospital da Costa onde comprobou o funcionamento do novo TAC do servizo de Radioloxía
O novo TAC mellora a calidade de imaxe e permite estudos que ata o de agora non se podían facer neste centro sanitario
O investimento do Servizo Galego de Saúde neste novo aparello sitúase ao redor dos 500.000 euros
Ademais da visita ao TAC, María José Rubio Vidal achegouse ao andar de Xinecoloxía, onde vaise proceder a unha reforma, por importe de máis de 661.000 euros, para adaptalo ao parto natural
A conselleira de Sanidade remarcou que estase a producir un cambio de cultura asistencial neste Hospital, para pasar de ser un centro exclusivamente de internamento, a potenciar a atención ambulatoria
A titular da Sanidade pública galega agarda que, no ano 2012, poidan estar concluídas todas as obras necesarias para esta área sanitaria, que teñen un orzamento de 9,4 millóns de euros
Burela, 13 de xaneiro de 2009.- A conselleira de Sanidade, María José Rubio Vidal, visitou hoxe o Hospital da Costa, en Burela, onde, dende hai quince días, o Servizo Galego de Saúde procedeu a incorporar un novo TAC ao departamento de Radioloxía. Durante a súa estadía neste centro, a titular da Sanidade pública galega lembrou que grazas á implantación do Plan de Alta Tecnoloxía de Galicia, Burela recibiu nos últimos tres anos un investimento superior ao 1,1 millón de euros en equipamento médico.
O novo TAC mellora, notablemente, a calidade de imaxe respecto do anterior TAC, e, ademais, permite estudos que, ata o de agora, non se podían facer neste centro sanitario da rede pública galega, tales como os de carácter vascular. Así mesmo, posibilita unha maior rapidez e resolución na realización deses estudos. O investimento do Servizo Galego de Saúde neste novo TAC foi de medio millón de euros.
A conselleira de Sanidade remarcou que este novo aparello vai permitir unha mellora substancial para as veciñas e veciños desta área sanitaria, dada a maior capacidade diagnóstica e o maior número de probas que pode realizar.
Ademais da visita ao TAC, a responsable da Sanidade pública galega visitou o andar de Xinecoloxía, zona que non estaba adaptada ao Plan de Atención Integral á Saúde da Muller.
Isto vai levar ao Servizo Galego de Saúde a facer unha reforma desta área, para adaptala ao que se denomina “parto natural”. O investimento realizado polo departamento que preside Rubio Vidal neste andar situouse ao redor dos 661.000 euros. Estas obras teñen un prazo de execución de oito meses.
A nova planta de Xinecoloxía vai dispor dun paritorio convencional e dous paritorios para o parto natural, así como unha habitación para o fomento da lactancia materna.
Nove millóns de euros para proceder a un cambio de cultura asistencial
A conselleira de Sanidade incidiu, na súa estadía de hoxe en Burela, que estase a producir un cambio de cultura asistencial neste Hospital, para pasar de ser un centro exclusivamente de internamento, a potenciar a atención ambulatoria, dando pulo a un Plan Funcional que desenvolverá o Plan Director.
Neste Plan Funcional, exprésase a necesidade de creación dun hospital de día médico e tamén cirúrxico, así como unha unidade de Hospitalización a Domicilio. Tamén recóllese a creación da unidade de coidados intermedios, que axudará a desbloquear á unidade de coidados intensivos, mellorando, deste xeito, a oferta terapéutica aos pacientes que así o requiran. Tamén faise unha aposta polo crecemento das unidades de urxencias e de consultas externas. Todas estas medidas van encamiñadas a evitar, na medida do posible, o internamento dos pacientes, e que estes poidan estar na súa casa nas mellores condicións de atención sanitaria.
Rubio Vidal sinalou que agarda que, no ano 2012, poidan estar concluídas todas as obras necesarias para esta área sanitaria, que teñen un presuposto estimado, para todo o proceso, de preto dos 9 millóns de euros.
Tamén recordou a conselleira de Sanidade a concesión do Certificado de Calidade de AENOR ISO 9001 ao servizo de Subministros deste centro, en decembro de 2008, e que, ademais, é o único hospital de Galicia que ten Certificado Medio Ambiental Europeo de Calidade.
Incremento de persoal
A conselleira de Sanidade e presidenta do Servizo Galego de Saúde sinalou que, nestes últimos anos, racionalizouse a asistencia sanitaria neste centro, e promoveuse un Plan Director para potenciar as consultas externas, a atención ás urxencias e, deste xeito, evitar os desprazamentos dos pacientes a outras áreas sanitarias.
Así, remarcou que o cadro de persoal do centro incrementouse ata chegar a superar as 400 persoas. Salientou un incremento no número de profesionais médicos en case un dez por cento, ata chegar aos 98. Asemade, o persoal de enfermaría aumentou ata as 146 profesionais, e os auxiliares a 109.
Tamén aumentaron os recursos humanos da área sanitaria de Burela en Atención Primaira, coa incorporación, ata agora, de 11 persoas entre persoal de enfermería, de servizos xerais, odontoloxía, fisioterapia e traballadores social. Rubio Vidal anunciou para este ano 2009 a próxima incorporación de tres médicos aos centros de saúde de Viveiro, San Cibrao e Foz, outros tres efectivos de enfermaría, unha matrona, un fisioterapeuta e dous efectivos de servizos xerais.
A conselleira de Sanidade destacou, tamén, a incorporación ao Hospital da Costa dunha resonancia nuclear magnética móbil, o novo TAC que hoxe visitou, e o investimento en tecnoloxía ao longo desta lexislatura, que ascendeu a algo máis de 1.100.000 euros, coa adquisición de respiradores, monitores, aparatos de raios x, ou ecógrafos, entre outros
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
