O presidente do PP de Lugo satisfeito e agradecido polo “compromiso inequívoco” da Xunta con Lugo

Nota de Prensa

Barreiro: “O Plan Impulsa marcará un antes e un despois no desenvolvemento económico da nosa provincia”

•    O Presidente dos populares lucenses amosou a súa satisfacción e agradecemento polo “compromiso inequívoco” da Xunta de Galicia con Lugo e convidou “a todos” a traballar xuntos para superar os efectos negativos da crise

Lugo, a 25 de setembro de 2009.- O Presidente do Partido Popular de Lugo José Manuel Barreiro compareceu hoxe en rolda de prensa para expresar a súa “total satisfacción” polo posta en marcha do Plan Impulsa Lugo, anunciado onte polo Presidente da Xunta e para “agradecer” a Alberto Núñez Feijoo “o compromiso inequívoco que asumiu coa nosa provincia”.

Para Barreiro, “o Goberno da Xunta practica a política dos feitos poñendo sobre a mesa un plan de reequilibrio territorial real e actuacións encamiñadas a correxir de raíz os problemas existentes, que complemantarán os xa iniciados coma o Plan de Choque ou o Plan Move e que tamén repercutirán positivamente na nosa provincia”.

Suliñou asimesmo que Núñez Feijoo amosou unha “especial sensibilidade”  e unha “gran axilidade na resposta” hacia os plantexamentos e reivindicacións realizadas dende a provincia polo propio partido e polos empresarios e sindicatos promotores do denominado Plan Lugo como proba o propio programa Impulsa Lugo.  Neste senso, Barreiro lembrou que o pasado 30 de marzo reuniuse cunha delegación do Plan Lugo e que o 17 xuño (só un mes despois da toma de posesión de Núñez Feijoo) representantes deste colectivo foron recibidos en Santiago polo Presidente da Xunta, un encontro no que tamén el participou. “Esto demostra a preocupación do Presidente pola situación que está a travesar a provincia”, suliñou.

“O Goberno de Feijoo demostrou que está á altura das circunstancias que marca inexorablemente a crise económica que estamos a vivir, que é sensible ás dificultades específicas que ten a nosa provincia e, o máis importante, que está disposto a aplicar unha discriminación positiva onde máis falla fai”, engadiu.

Na opinión do líder dos populares lucenses o paso dado onte en Lugo polo Goberno da Xunta é un “feito histórico, que marcará un antes e un despois” e non únicamente porque por primeira vez na historia da nosa Autonomía o Consello da Xunta se celebrara na Cidade das Murallas, senón porque é un plan que “persegue a unidade e a implicación no seu desenvolvemento de todas as administracións, dos empresarios, dos sindicatos e das asociacións”.

Unha implicación que será determinante á hora de redactar o plan estratégico e  que establecerá as liñas básicas de actuación cos obxectivos últimos de incentivar os investimentos productivos e fomentar as actividades empresariais, creando emprego e contribuíndo a xerar  riqueza e ó artellamento territorial da provincia.

Para Barreiro tamén é “significativo e unha garantía máis” que o Igape  sexa o encargado de xestionar o desenvolvemento deste plan estratéxico e que o vaia facer dende unha oficina creada con ese fin en Lugo, concretamente na Delegación Territorial da Xunta.

“É un proxecto moi ambicioso polo seu contido e trascendencia pero nomeadamente pola súa vontade aglutinadora, porque fíxase como principal obxectivo que todos, dende os diferentes ámbitos da actividade pública e da iniciativa privada, poñendo especial énfase nos emprendedores, traballemos na mesma dirección, que non é outra que lograr o desenvolvemento económico da nosa provincia”, explicou.

Barreiro tamén salientou “como dato diferenciador” o feito de que o  compromiso expresado onte por Feijoo “ten xa efecto inmediato”. Valorou moi positivamente neste senso as medidas transitorias de apoio ó investimento ou de préstamos subvencionados aprobadas para que a actividade económica vaia collendo pulo antes incluso da aplicación do propio programa Impulsa.