LUGO .- A delegada territorial da Xunta, Raquel Arias, destacou hoxe a rápida resposta que o Goberno galego está a articular ante a crise do sector leiteiro, o que se reflicte especialmente no establecemento e ampliación de liñas de subvención destinadas a axudar aos gandeiros a superar a difícil situación económica.
A delegada territorial realizou estas declaracións no acto de clausura da xornada Emprende-TIC sobre novas tecnoloxías organizada pola Fundación CEL xunto coa Asociación Provincial de Criadores de Frisona de Lugo (Africor), no que destacou “a ampliación en máis de dous millóns de euros (2,12 millóns) do orzamento para axudas á viabilidade das explotacións leiteiras” realizada pola Consellería de Medio Rural, unhas achegas das que poderían beneficiarse “máis de 4.500 gandeiros”.
Entre as diversas iniciativas de apoio postas en marcha pola Xunta, Arias destacou o caso concreto das axudas para a mellora da competitividade das explotacións leiteiras galegas a través da redución de custos de produción. Na provincia de Lugo en torno a 400 gandeiros presentaron a solicitude xunto co plan de mellora deseñado. A achega da consellería pode acadar o 55% do investimento nas zonas desfavorecidas da provincia.
Así mesmo, Arias fixo referencia aos esforzos desenvolvidos no eido das tecnoloxías aplicadas ao agro. “Só coa inversión en tecnoloxía se poden desenvolver novos produtos e novos procesos que resulten máis rendibles e que respondan ás expectativas dos consumidores e que nos permitan competir en mercados cada vez máis esixentes”, indicou a delegada territorial.
Neste sentido, a representante da Xunta de Galicia asegurou que o Plan director de Banda Larga de Galicia “a partir de xaneiro vaise converter nun elemento primordial para impulsar unha estratexia global que permita que tódolos galegos acceder á sociedade da información” co calidade e prezos asequibles. Unha actuación que cobra relevancia estratéxica no ámbito do medio rural.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
