LUGO .- Preto de 600 escolares de Lugo inician mañá as probas de campo a través promovidos pola Xunta dentro do programa Xogade. A última zona en iniciar as competicións desta actividade destinada a escolares será a da comarca da Mariña, onde as tres probas previstas se levarán a cabo no municipio de Lourenzá a partir do mes de xaneiro. Neste caso, arredor de 150 rapaces tomarán parte na apertura desta disciplina, a de maior tradición no ámbito escolar dentro das recollidas no programa Xogade.
Nota de Prensa
PRETO DE 600 ESCOLARES DE LUGO INICIAN MAÑÁ AS PROBAS DE CAMPO A TRAVÉS PROMOVIDOS POLA XUNTA DENTRO DO PROGRAMA XOGADE
* As competicións zonais darán comezo o sábado no circuíto preparado no entorno do balneario de Guitiriz e o domingo arrancarán na área de Monforte, e de Lugo, onde se desenvolverán as finais provinciais o día 7 de febreiro
* Un total de 40 colexios e equipos de nenos de entre 7 e 15 anos tomarán parte nas competicións que organiza a Delegación Territorial de Lugo, a través do servizo de Deportes, en colaboración coa delegación da Federación Galega de Atletismo
Lugo, 11 de decembro de 2009.- As competicións escolares de campo a través da provincia de Lugo promovidas pola Xunta de Galicia a través do programa Xogade arrancan mañá (11.15 horas) coa primeira proba zonal da Terra Chá, que se organizará no entorno do balneario de Guitiriz .
Nesta carreira entrarán en competición máis dun cento de nenos e rapaces de idades comprendidas entre os 7 e os 15 anos (nados entre os anos 1994-2002), aos que se sumarán case 350 máis coa estrea das probas na zona Sur e na área de Lugo. O circuíto das Lamas, en Monforte, e o habilitado nas inmediacións do Pazo de Feiras e Congresos, en Lugo, son os escenarios escollidos para a posta en marcha desta disciplina nos dous últimos distritos referidos, nos que a hora para o inicio das probas está fixada nas 11.00 horas.
A última zona en iniciar as competicións desta actividade destinada a escolares será a da comarca da Mariña, onde as tres probas previstas se levarán a cabo no municipio de Lourenzá a partir do mes de xaneiro. Neste caso, arredor de 150 rapaces tomarán parte na apertura desta disciplina, a de maior tradición no ámbito escolar dentro das recollidas no programa Xogade.
En total, preto de 600 nenos e rapaces pertencentes a 40 colexios e clubes da provincia participarán nesta iniciativa que é organizada pola Delegación Territorial de Lugo, a través do servizo de Deportes, en colaboración coa delegación lucense da Federación Galega de Atletismo e as distintas agrupacións deportivas de cada zona.
As distancias que percorrerán os nenos nestas primeiras probas moveranse no arco que vai dos 500 metros, que deberán cubrir os corredores de categoría benxamín (nados nos anos 2001 e 2002), aos 4.000 metros, distancia definida para os participantes en categoría cadete (1994, 1995, 1996). Os inscritos nas categorías alevín (1999 e 2000) cubrirán recorridos de un quilómetro e os corredores de categoría infantil deberán percorrer arredor de 1.500 metros.
Estas primeiras probas teñen consideración de preparatorias de cara ás finais zonais, que se desenvolverán no mes de xaneiro e que serán clasificatorias para a final provincial. Esta competición realizarase no entorno do Pazo de Feiras e Congresos de Lugo o día 7 de febreiro.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
