BURELA .- A Rede de Dinamización da Sociedade da Información continuou en novembro co seu traballo decidido a prol da inmersión da sociedade galega nas Novas Tecnoloxías en Burela. No mes que remata impartiu un total de 6 obradoiros tecnolóxicos, a través dos que se formou a 53 persoas e que se estenderon ao longo de 49 horas.
Os obradoiros impartidos foron os seguintes: “Blog, participa en Internet”, “Iniciación a Internet”,
“Iniciación á Informática: Linux”, “Creación dunha conta de correo electrónico” e 2 edicións do
obradoiro “Debuxo por ordenador”.
Ademais, en novembro, comezouse a levar a cabo a iniciativa “Memoria de Muller”. En dita
iniciativa participan 5 mulleres maiores de 50 anos, as cales están a elaborar unha montaxe de
vídeo na que contarán algunha das súas vivencias. As videomontaxes están a ser creadas a coa
voz de cada muller, fotos propias e música libre. A iniciativa rematará a finais deste mes de
decembro.
Asemade, 22 persoas inscribíronse como novos/as usuarios/as da Rede para poder aproveitar
-sempre de xeito gratuíto- as iniciativas que esta oferta e as súas instalacións, que foron foron
utilizadas nun total de 656 ocasións.
En canto aos números xerais da Rede, desde que botara a andar neste concello de Burela en
xaneiro de 2008, foron xa 400 os usuarios e usuarias que fixeron o carné da RDSI. Neste tempo
leváronse a cabo 137 obradoiros que se extenderon ao longo de 1.286 horas e nos que se formou
a 815 participantes. Aínda que os obradoiros son a principal actividade formativa que oferta a
Rede, tamén se fixeron 7 charlas e 3 iniciativas, nas que participaron 129 persoas.
A Rede de Dinamización, da Secretaría Xeral de Modernización e Innovación Tecnolóxica,
enmarcada no PEGSI (Plano Estratéxico Galego da Sociedade da Información), é unha das
estratexias fundamentais para a inclusión na Sociedade da Información. A Rede ten entre os seus
principais obxectivos titorizar a cidadanía con maiores dificultades e proporcionarlles os medios e
ferramentas necesarios para poder formar parte activa da S. I. A RDSI conta con 51 dinamizadores
e dinamizadoras espallados pola xeografía galega en diversos Centros de Dinamización, nos que
se desenvolven charlas, obradoiros e cursos de alfabetización dixital, entre outros, adaptados ás
necesidades de diferentes colectivos sociais como son mulleres, persoas maiores, persoas con
discapacidade, xuventude, asociacións e empresas.
Para inscribirse ou para solicitar máis información sobre as súas actividades poden dirixirse ao
Centro de Dinamización de Burela, sito na Casa da Xuventude do concello ou mandar un correo
electrónico ao enderezo: roberto.burela@dinamiza.fundacioncalidade.org.
ÚLTIMA HORA
- A Festa da Enfariñada de Trabada, distinguida nos VII Premios de Turismo da Provincia de Lugo
- Vilalba celebra o Premio ao Turismo Sostible concedido á Liga Santaballesa
- O Concello de Foz celebra a reactivación das obras das rotondas de Cangas
- Saúde Mental A Mariña clausura o proxecto Conecta co mar cunha exposición en San Cibrao
- Vilalba celebrará este domingo 4 de outubro, na Praza de Santa María, a primeira Feira de Futuros/as Produtores/as Profesionais, unha iniciativa do Concello e da Asociación A Estruga para dinamizar os domingos de feira e apoiar a produción local
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes. - Un total de 37 persoas participaron o pasado domingo, 27 de setembro, nunha nova saída da oitava edición do ‘Guitiriz en Ruta’, o programa de sendeirismo organizado polas Escolas Deportivas Municipais coa colaboración do Concello
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres. - O Concello de Navia presentará este xoves, 1 de outubro, ás 11:30 horas no Espazo Cultural El Liceo, as novas actividades do Programa de Soidade Non Desexada para persoas maiores
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias. - Xurxo Souto visitará Ribadeo este venres 2 de outubro para presentar o seu último libro, A novela do bravú. Aproveitando a súa presenza, realizarase un pequeno percorrido polas “Palabras na varanda”, a iniciativa que desde maio enche de cor e de letras galegas os balcóns da vila
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza. - Daniel García achegouse este domingo a Ourol, onde se celebraron as IV Xornadas Etnográficas da Mariña, organizadas pola Asociación Tecedeira co apoio da área de Mocidade da Vicepresidencia da Deputación
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña. - O Salón de Actos de Xove encheuse este venres de ilusión, maxia e aprendizaxe coa actuación do Mago Rafa, que presentou o seu espectáculo “Abrazando a igualdade” para todo o alumnado do CEIP Pedro Caselles Rollán
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man. - Foz protagonizou este venres o programa Voces de Lugo, de RadioVoz, que se emitiu en directo de 12 a 14 horas desde a cafetería Marexada para toda a provincia
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
2021 Crónica 3 A Mariña - Implementado por GaliciaDigital