RIBADEO (FNC) .- O Valedor do Pobo ven de arquivar a queixa presentada polo grupo municipal socialista relativa á xustificación da anualidade de 2008 do núcleo de sostibilidade de Ribadeo. O alcalde amósase satisfeito coa decisión e insiste en que as cousas se fixeron ben e que grazas a eso non se perdeu nin un só euro da subvención.
Fernando Suárez dixo hoxe que “tivemos que soportar nos últimos meses críticas infundadas, destinadas a erosionar a imaxe do goberno por parte tanto de Balbino Pérez Vacas como de Ramón López coa xustificación da anualidade do núcleo de sostibilidade para Ribadeo. Grazas a eses cartos estamos a facer unha serie de cuestións de relevancia para o Concello de Ribadeo sin que a este lle coste practicamente nada. Estamos a poñer uns 100 metros cadrados de paneis solares na piscina municipal e estamos a facer cousas que executaremos nos vindeiros meses como por exemplo unhas rutas de sendeirismo, etc”.
O rexedor lembrou que “estiveron a cuestionar a maneira que tivemos de xustificar un diñeiro a finais do ano 2008, cando realmente a Xunta de Galicia nos deu un prazo de 2 días para facelo e fixemos todo canto puidemos e creo que o fixemos ben porque non se perdeu nin só un euro nesa xustificación de subvención. Tempo despois a propia Xunta comunicou que o xustificado estaba ben feito, pero non contentos con iso os representantes do grupo municipal socialista acudiron ao Valedor do Pobo para denunciar estas actitudes que segundo eles non eran axeitadas”. Fernando Suárez asegurou que se alegra da decisión e subliñou que “hai uns días o Valedor acaba de contestar que arquiva este expediente en función da contestación que nós lles remitimos explicando como fora o sistema e cal foi o motivo polo actuamos así seguindo os criterios xurídico-legais e como nós intentamos xestionar, cando parece que hai outra xente á que lle doe que nós xestionemos e tenta poñer cantas pedras no camiño poida para que xestionemos o menos posible”.
Vivendas protexidas
Por outra banda o alcalde de Ribadeo ven de enviar cartas “aos veciños que están desde hai tempo anotados no rexistro autonómico de demandantes de vivenda protexida, xa que aquí en Ribadeo está encarando a súa fase final a construción destas 30 vivendas no noso concello. Agora o goberno autonómico decidiu cambiar o sistema dese rexistro e obriga a que todas as persoas que estean interesadas volvan xestionalo”.
Suárez Barcia explicou que “como eu non quero que ninguén quede por aí esquecido e ao final non poida optar a estas vivendas mandei unha carta a cada demandante de vivenda para que proceda a volver a presentar no rexistro autonómico a súa solicitude de demanda de vivenda protexida. Esto tamén se fai extensivo para todos aqueles que non o fixeran antes e que poidan estar interesados. Todos están a tempo ata finais do vindeiro mes de maio porque son catro meses os que marca de prazo o novo decreto para adecuar a súa inscrición ás condicións e requirimentos previstos no novo decreto aprobado o 8 de xaneiro deste 2010”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
