Nota de Prensa
O BNG RESPONDEULLE Á CONCELLEIRA DE FACENDA QUE CERVO NON PRECISA INIMIGOS EXTERIORES QUE XA SE BASTA E SOBRA O GOBERNO LOCAL PARA FUNDIR AS ARCAS PÚBLICAS
A concelleira de facenda Chelo Gallego semella estar convidando ao BNG a que difunda os documentos coas reclamacións económicas dos provedores
A concelleira de facenda cobra das arcas municipais moito mais do que debería pola súa escasa produtividade
Cervo, 20 de marzo de 2010. O BNG insistiu hoxe en que Cervo non precisa inimigos exteriores, que xa se basta o grupo de goberno para fundir as arcas municipais. Os nacionalistas insisten en que van informar a cidadanía puntualmente de todas as reclamacións de provedores que detecten e poidan prexudicar á facenda municipal porque este e o seu cometido, especialmente naqueles casos que poidan xerar recargos de demora ou reclamacións xudiciais que deberán ser asumidas polas arcas públicas.
A concelleira de facenda cobra unha dedicación parcial para traballar non para facer demagoxia partidista
O BNG saíu ao paso das declaracións da concelleira de facenda de Cervo aclarando que “todos os datos que ofrece e fai públicos están recollidos do rexistro municipal por tanto reais e non inventados como parece querer insinuar a concelleira.” O portavoz municipal nacionalista, Xoán Antón Estúa, lamentou o discurso demagóxico da responsábel de facenda, “a Chelo Gallego págaselle unha dedicación parcial para que traballe e non para que faga demagoxia”, dixo Estúa que ademais engadiu que “unha responsábel de facenda que non e quen de presentar un orzamento municipal en prazo e con maioría absoluta para aprobalo, non se merece o salario que lle pagan os cidadáns”. Estúa advertiu que o BNG continuará denunciando os desaxustes económicos, xa que esta e obriga da oposición, facendo especial seguimento de todas aquelas reclamacións de provedores que supoñan recargos por demora nos pagos ou demandas xudiciais. Os nacionalistas ademais reclamaron ao goberno local moderación na negación da realidade, xa que doutro xeito semellan estar convidando á difusión publica dos documentos coas reclamacións de provedores ou os informes dos servizos de intervención.
Un convenio urbanístico sen garantías fixo perder ao concello 1,2 millóns de euros
Os nacionalistas tamén quixeron responder as acusacións da concelleira de facenda en relación ao Convenio de Infraestruturas e Servizos polo que a Promotora Pasillo Verde, agora Astunosa adebeda ao concello 1,2 millóns de euros. Para Estúa esta concelleira ten moi mala memoria cando lle interesa. O Convenio asinado cos promotores en 2006 que hoxe e papel mollado, foi asinado e aprobado en solitario polo goberno local e non contiña garantías de cobro no caso de incumprimento por algunha das partes, como foi o caso de Astunosa, que presentou concurso voluntario de acredores argumentando as débedas que outra empresa mantiña con ela, en ningún caso a imposibilidade de continuar a execución do proxectos pendentes en San Cibrao por impedimentos da administración autonómica.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
