LUGO .- O delegado de Cultura e Deportes da Deputación de Lugo, o nacionalista Antonio Veiga, informou hoxe no transcurso da rolda de prensa posterior á Xunta de Goberno, de que a Xunta de Goberno da Deputación de Lugo acordou apoiar as reivindicacións da Plataforma na Defensa da Sanidade Pública na Mariña e instou a mobilizarse para acudir á manifestación convocada por esta plataforma contra o desmantelamento do Hospital da Costa o 26 de xuño ás 12 da mañá.
Antonio Veiga explicou que, diante da polémica xurdida polas intencións expostas pola conselleira de Sanidade de cara a estabelecer unha xerencia única de ámbito provincial que suporía unha merma na calidade asistencial, diversas plataformas cívicas se xuntaron na defensa das xerencias comarcais, tanto en Monforte de Lemos como na Mariña. A Deputación de Lugo, recollendo estas reivindicacións, decidiu apoiar a convocatoria da manifestación da Plataforma na Defensa da Sanidade Pública na Mariña do vindeiro 26 de xuño e tamén trasladar o acordo ao presidente da Xunta de Galicia, á conselleira de Sanidade, así como aos grupos políticos con representación na cámara galega.
Entre as principais reivindicacións que recolle o acordo, Antonio Veiga sinalou “a existencia dunha área de Xestión Integrada Única propia da Mariña que teña á fronte un ou unha xerente propia, independente doutras áreas”, así como “unha aposta firme e decidida da Consellería de Sanidade da Xunta de Galiza por esta comarca coa ampliación real do Hospital da Costa e número de camas, implantación da Unidade de Oncoloxía, ampliación de Hemodiálise, pleno funcionamento da Consulta Maior Ambulatoria, unha Resonancia Magnética fixa, a hospitalización a domicilio, a posta en funcionamento dos servizos de tarde, os aumentos do cadro de persoal e por suposto o reforzo e mantemento de tódolos servizos e unidades existentes tanto de Atención Primaria como de Especializada”.
Dentro dos asuntos da Xunta de Goberno, Antonio Veiga informou do estabelecemento dos prezos públicos de dous libros editados polo servizo de publicacións da Área de Cultura da Deputación. O primeiro é “A tradición oral na comarca da Ulloa” cun prezo público do libro citado en 10,00 euros de cuxo importe corresponde á Deputación 9,62 euros. O outro dos libros é “A Biblia na iconografía pétrea lucense”, un importantísimo traballo que contou cunha edición de calidade, cifrándose o prezo en 22,00 euros, de cuxo importe corresponde á Deputación 21,15 euros.
Antonio Veiga tamén informou da aprobación da proposta da Área de Cultura e Deportes e da Área de Turismo para que se encomende a SUPLUSA tanto a xestión de persoal como o mantemento dos embarcadoiros e embarcacións das rutas fluviais que esta Deputación organiza nos encoros desta provincia, así como a construción do embarcadoiro dos Peares e a xestión da Escola de Piragüismo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
