A MARIÑA .- A asociación vén de dar luz verde a dous proxectos que suporán un investimento total de máis de medio millón de euros. A Xunta Directiva aprobou as axudas destinadas á adquisición de maquinaria colleitadora para unha empresa de servizos agrícolas de Barreiros e para o equipamento e acondicionamento do centro socio-cultural de Boimente, en Viveiro.
O primeiro dos proxectos é promovido pola empresa Servicios Agrícolas Piñeiro, que recibirá unha axuda de 198.282,75 euros para proceder á ampliación da empresa e da súa actividade. As promotoras do proxecto de equipamento e adecuación do exterior e interior de centro de Boimente son as mulleres da Asociación de Mulleres Rurais “Fraga das Saímas”, que percibirán unha axuda de 6.061,72 euros para facer fronte a un orzamento de 10.170,68euros.
Tras esta aprobación os expedientes serán remitidos a AGADER para que se proceda a comunicarlle ao beneficiario a resolución e poida iniciar as inversións ou, no seu caso, a xustificación das mesmas para o cobro da axuda.
Con estes, xa son cinco os proxectos aprobados como beneficiarios das axudas Leader na comarca de A Mariña desde que comezou o ano, supondo unha inversión de arredor de 2 millóns de euros.
O montante total das axudas aprobadas ata o momento supera os 440.000 euros, supoñendo un importante incentivo de cara á fixación de empresas e á creación e consolidación de postos de traballo. Cos proxectos aprobados garántese a creación e consolidación de máis de 36 postos de traballo.
Celebración da Asemblea Ordinaria
A continuación da Xunta Directiva tivo lugar a Asemblea anual ordinaria. Nela procedeuse a aprobar as contas do 2009 e o orzamento para o 2010. Asi mesmo, aprobouse o informe anual de funcionamento do ano anterior.
Outro dos acordos foi a ratificación da adhesión do GDR de A Mariña á Asociación Galega de GDR’s, unha asociación na que se integran os GDR’s galegos de cara a unha maior coordinación e á defensa dos intereses dos grupos.
Tamén se iniciou o procedemento para a renovación parcial da Xunta Directiva que terá lugar no mes de outubro.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
