Nota de Prensa
Por espazo de tres horas non se puido facer uso desta instalación de aterraxe que se emprega para servizos de emerxencia médica e traslados aéreos de doentes con patoloxías graves
O USO NON AUTORIZADO DO HELIPORTO DO HOSPITAL DA COSTA POR PARTE DA MINISTRA ELENA ESPINOSA SERÁ OBXECTO DE ANÁLISE NO PARLAMENTO DE GALICIA
* Jose Manuel Balseiro subliña que a titular do departamento ministerial de Medio Ambiente errou “nas formas, polo xeito no que utilizou o heliporto, e no fondo, porque a súa visita á Mariña non serviu para adquirir compromisos concretos para compensar os danos do temporal de choivas, nin para responder ás reclamacións efectuadas polos alcaldes”
* Elena Espinosa visitou a Mariña “para facerse a foto” pero, en plena época estival, moitas das praias que son da súa competencia presentan innumerables danos que non están a ser corrixidos do xeito preciso e que poden prexudicar ao turismo
Santiago, 25 de xuño de 2010.- O uso non autorizado do heliporto do Hospital da Costa (Burela) pola aeronave que trasladaba ata a Mariña lucense á Ministra de Medio Ambiente, Medio Rural e Mariño do Goberno central, Elena Espinosa, será obxecto de análise no Parlamento de Galicia despois de que o deputado Jose Manuel Balseiro Orol rexistrase unha iniciativa para clarexar os feitos acontecidos.
Ata o momento sabemos que a integrante do Executivo socialista central nin efectuou a correspondente solicitude, nin comunicou a súa intención de facer uso desta instalación de aterraxe que, como mínimo, por espacio de tres horas non puido ser empregada polos helicópteros sanitarios e de emerxencia encargados do traslado de doentes con patoloxías graves. Precisamente o heliporto do hospital está concibido para dar servizo a este tipo de medios e a súa operatividade debe estar supeditada ao uso das emerxencias sanitarias.
Segundo o deputado Jose Manuel Balseiro, autor da iniciativa, “resulta evidente que estamos ante un suceso escandaloso, xa non só polo feito de que esteamos a falar do uso indebido e temerario dunha infraestrutura pública autonómica, senón tamén porque vén a poñer de relevo un proceder soberbio da administración central que decide apropiarse durante un tempo dun espazo que nin é da súa titularidade, nin pode ser utilizado sen a comunicación previa necesaria para activar o protocolo que vén a garantir a súa utilidade preferente para as emerxencias sanitarias”
O deputado mariñán sinala tamén que a Ministra de Medio Ambiente, “errou nas formas e no fondo: nas formas polo xeito no que empregou o heliporto do Hospital, e no fondo, porque a súa visita non trouxo nada máis ca unha simple foto. Os propios alcaldes cualificaron de decepcionante a súa presenza na Mariña porque non adiantou compromisos claros a favor dos espazos afectados polo temporal, salvo no tocante ás praias que, en todo caso, en plena época de verán, aínda presentan graves danos, sen que a administración competente, o Goberno central, estea a desenvolver as tarefas necesarias para corrixilos, de tal xeito que pode verse prexudicado o sector turístico”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
