RIBADEO (FNC) .- ACISA/CCA conta xa con 165 socios, segundo os datos dados a coñecer hoxe por Beatriz Irigoyen, xerente do Centro Comercial Aberto. Nas últimas semanas foron quince os establecementos que decidiron asociarse, polo que a nova directiva móstrase moi satisfeita.
Irigoyen sinalou que “estamos moi contentos, porque a pesar dos tempos que corren, que están sendo moi duros, en Ribadeo estamos comprobando que se abren novos negocios. houbo algún peche, pero a proporción de aperturas é maior que a de peches. Entre isto e o cambio na directiva de ACISA/CCA, onde todos estamos moi involucrados, nestas últimas semanas rexistramos 15 novos socios e situámonos xa en 165”.
A xerente do Centro Comercial Aberto destacou que “seguimos crecendo e agradecemos a todos os socios que nos apoian e aos que entraron novos que estean ao noso lado porque queremos contar con todo o mundo neste novo proxecto. Cremos que o futuro do pequeno comercio e da hostalería está na unión”. Beatriz Irigoyen animou “aos hostaleiros a que se poñan en contacto connosco, porque temos un proxecto para este sector moi importante, ambicioso e novo coa idea de atraer a clientela durante todo o ano a Ribadeo e non só en tempadas altas. Seguimos apoiando ao comercio e contamos co apoio do Concello, da Federación Galega de Comercio e da Xunta de Galicia”.
Desde onte 1 de xullo e ata o 15 de setembro o horario de atención da oficina de ACISA/CCA será de oito da mañá a tres da tarde.
Rebaixas”
Os ribadenses gozan dos primeiros días das rebaixas. Segundo a xerencia do CCA ?as expectativas son boas porque Ribadeo agora incrementa o número de visitantes. Os turistas aproveitan para ir de compras porque saben que ademais o noso comercio é de moi alta calidade”. Beatriz Irigoyen manifestou que “as vendas empezaron moi ben en maio porque fixo moi bo tempo, pero en xuño resentíronse moito. A pesar da subida do IVE o comercio non o notará coma se fose outra época. Temos unhas expectativas moi altas nestas rebaixas de verán e os comerciantes están dispostos a sacar os seus mellores produtos aos mellores prezos”.
O período de rebaixas establecido pola Xunta vai do 1 de xullo ao 30 de setembro, aínda que os establecementos poderán facelas como máximo durante dous meses. A xerente do Centro Comercial Aberto recordou que “os produtos deben ser expostos ao público co prezo anterior e o actual para véxase a diferenza, os clientes teñen dereito a pagar con cartón, a forma de facer as devolucións ten que estar perfectamente indicada nas tendas? Nós desde a asociación sabemos que os nosos asociados cumpren con todos os parámetros e que non haberá problemas”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
