Nota de Prensa
A CONSELLERÍA DE TRABALLO E BENESTAR CONCEDE PRETO DE 2 MILLÓNS DE EUROS AO CONCELLO PARA CONSTRUÍR UNHA RESIDENCIA-CENTRO DE DÍA EN SAN CIPRIÁN
O Pleno da corporación reunirase esta semana para aprobar a distribución do gasto plurianual para levar adiante esta nova infraestrutura
Cervo, 27 de setembro de 2010.- O alcalde de Cervo, Alfonso Villares, anunciou hoxe que a Consellería de Traballo e Benestar Social da Xunta de Galicia ven de concederlle ao Concello unha subvención de 1.996.000 euros para a construción dun Centro de Día-Residencia na vila de San Ciprián.
Segundo indicou o rexedor, a contía total da subvención farase efectiva en catro anualidades, sendo a cifra asignada para o presente exercicio 91.559,51 euros. “Por iso, na comisión de asuntos do pleno que celebramos hoxe expuxemos ao resto de formacións políticas a nosa intención de levar ao Pleno que faremos esta semana un acordo para aprobar o gasto plurianual desta nova infraestrutura en base ás contías asignadas na axuda concedida pola Xunta e poder así cumprir con tódolos trámites administrativos requiridos o máis pronto posible” indicou Villares.
O primeiro edil cervense agradeceu ao Executivo galego a ratificación desta subvención e indicou que esta asignación económica para o futuro Centro de Día-Residencia demostra o compromiso da Xunta con Cervo “e materializa a palabra dada en xaneiro pasado pola conselleira Beatríz Mato, cando visitou o noso concello e anunciou este investimento”.
Villares asegurou que esta residencia e centro de día era algo moi demandado por moitos veciños do concello e salientou que coa súa construción cúmprese un dos obxectivos marcados polo Goberno municipal.
PROXECTO
O novo edificio no que se integrarán unha residencia para maiores de 48 prazas e un centro de día con capacidade para 24 persoas está previsto que se constrúa nun terreo de 2.830 metros cadrados de titularidade municipal situado na zona da Veiga, entre o pavillón de deportes e o estadio municipal. Terá unha superficie total construída de 8.432 metros cadrados distribuídos en cinco andares: semisoto, planta baixa e tres plantas altas (nas que irán destinadas á área habitacional da residencia).
Na planta baixa ubicarase a entrada principal e os servizos administrativos do centro, así como a zona de consulta médica e de rehabilitación, ademais dunha pequena zona de servizos e unha sala de actividades varias destinada ao centro de día. No semisoto irán ubicados os distintos departamentos de servizos da residencia (cociña, lavandería, almacéns, vetiarios de persoal, etc…). O semisoto tamén se destinará para ubicar na súa parte traseira o comedor e a sala de estar común, os cales terán acceso a un xardín e a unha área de esparexemento.
En cada unha das tres plantas altas, de carácter residencial, distribuiranse oito habitacións dobres e dúas individuais, ademais dunha zona de estar comedor, a enfermería e zonas de control, aseos, e servizos.
No concello de Cervo existen actualmente un total de 1.193 residentes maiores de 60 anos, potenciais usuarios deste servizo
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
