Nota de Prensa
O VALEDOR DO POBO ADMITE UNHA QUEIXA POLA OPACIDADE DO ALCALDE DE CERVO SOBRE O PXOM
O Grupo socialista acusa a Villares de “torpedear sistematicamente” o labor de oposición
CERVO, 25 DE SETEMBRO. O Valedor do Pobo vén de admitir a trámite unha queixa presentada polo Grupo Municipal Socialista de Cervo sobre a opacidade do alcalde ó respecto do Plan Xeral de Ordenación Municipal, que o PSOE solicitou en un total de tres ocasións sen conseguir ter acceso ó documento.
En resposta á queixa formulada, o Valedor do Pobo comunicou ós socialistas cervenses que “unha vez estudada”, dáse por admitida “ó entender que reúne os requisitos formais recollidos na Lei do Valedor do Pobo”. “En consecuencia, iniciamos as actuacións oportunas ante o Concello de Cervo”, anunciou.
Xa 7 meses de espera
Os socialistas cervenses levan solicitando, sen éxito, coñecer a documentación do PXOM dende hai 7 meses. O alcalde, Alfonso Villares, prometeu xa no mes de febreiro unha reunión informativa que ata o de agora non se ten convocado.
O Grupo Municipal socialista considera que o alcalde “o que fai é entorpecer o labor do grupo da oposición, torpedeando sistematicamente o noso traballo sen cumprir prazos e, o que é peor, dando un claro exemplo da opacidade do Concello e da súa forma de traballar”.
De feito, o Grupo Socialista presentou por escrito unha solicitude para coñecer o contido do PXOM o 8 de febreiro e, dada a ausencia de resposta, de novo o 20 de maio.
En ambos, casos, a Xunta de Goberno local na que se valorou a petición acordou informar ós socialistas nunha reunión. Concretamente, con motivo da petición formulada en maio, a Xunta de Goberno Local acordou comunicar ó PSdeG “que se ten previsto convocar unha reunión, proximamente, na que participarán os técnicos redactores”.
Ante a ausencia de convocatoria da anunciada reunión, os socialistas de Cervo decidiron acudir ó Valedor do Pobo, ó que trasladaron a súa impotencia para coñecer “unha documentación de vital importancia para o desenvolvemento urbanístico do concello”.
Vulneración reiterada de dereitos
No escrito ó Valedor, os socialistas fan constar que o PXOM “foi demandado ó alcalde en tres ocasións, recibindo sempre por parte do Concello de Cervo a indicación de que ían convocar unha reunión proximamente, pero esa reunión aínda non se ten producido nin os concelleiros socialistas puideron ter aceso á información solicitada”.
“Vémonos impotentes para realizar de forma digna o noso labor de oposición neste concello, ó non poder obter información, e entendemos que se están a vulnerar os nosos dereitos de forma reiterada”, explicou o PSdeG ó Valedor.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
