Nota de Prensa
VÍCTOR: ‘TEÑO MOITAS GANAS DE VOLVER PERO SEI QUE DEBO TOMAR A RECUPERACIÓN CON CALMA’
Despois dun mes, o ala-pivote laranxa Víctor Cachón evoluciona favorablemente da súa lesión de ligamento lateral interno, sufrida no choque cun compañeiro durante un adestramento. “Animicamente estou mellor do que esperaba porque a recuperación está indo bastante ben. Teño moitas ganas de volver pero tamén sei que o teño que tomar con calma porque o importante é evitar posibles recaídas” dixo o gaditano.
Os servizos médicos do club, inmersos na análise de diferentes probas para descartar posibles complicacións, confían en que o xogador burelista se poida reincorporar paulatinamente á actividade física nas próximas semanas.
Mentres tanto, Víctor combate os días sen xogar coa súa nova faceta de espectador e afeccionado dende a bancada, aínda que non o leva nada ben. “Todos os sábados estou nerviosísimo, sinto un pouco de envexa por non estar na pista axudando os compañeiros, pero a recuperación está indo ben e iso fortaléceme animicamente” confesou o ala-pivote laranxa, que, a pesar do sucedido, aínda se sente afortunado: “Dentro do malo tiven sorte porque a miña é unha das lesións máis leves de xeonllo”.
O gaditano prognostica un encontro moi rifado para o vindeiro domingo ante o o seu ex-equipo, o Extremadura Cáceres 2016, que “está atravesando unha mala época de resultados e sairá a por todas para conseguir os tres puntos”. “O Burela atopará un rival moi parecido a ElPozo, con xogadores novos; é un conxunto cunha defensa forte, que presiona a pelota, e ten moita estratexia” asegurou Víctor, que ademais sinalou “a rapidez de Pablo, a experiencia de Almeida e os irmáns Cala e a posesión de Juan Carlos” como as grandes referencias estremeñas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
