Lourenzá, 7 de agosto de 2026. A Praza do Conde Santo, en Vilanova de Lourenzá, volveu encherse de vida este mércores coa celebración da actividade Xogando á petanca, organizada pola Asociación Valdeflores dentro da programación Verán na Praza, impulsada polo Concello de Lourenzá.
A alcaldesa, Rocío López, destacou que “a iniciativa contou cunha magnífica participación de nenos, familias e veciñanza, que tiveron a oportunidade de achegarse por primeira vez a este deporte, coñecer as súas regras, descubrir en que consiste e iniciarse na súa práctica nas distintas pistas habilitadas para a ocasión, gozando dunha tarde de lecer, aprendizaxe e convivencia”.
Desde o Concello de Lourenzá expresan o sincero agradecemento á Asociación Valdeflores “pola súa implicación e colaboración na organización desta actividade, facendo posible unha proposta que espertou un gran interese entre persoas de todas as idades. Así mesmo, queremos recoñecer o labor de todo o tecido asociativo do municipio, cuxa participación está a ser fundamental para o éxito da programación estival”.
A rexedora engade que Verán na Praza está a converterse nun “auténtico referente das tardes dos mércores en Lourenzá, enchendo semana tras semana a Praza do Conde Santo de xente e dinamizando a vila cunha programación variada, participativa e pensada para todos os públicos. O éxito de asistencia e a excelente resposta da veciñanza confirman o acerto dunha iniciativa que fomenta a convivencia, o lecer saudable e a posta en valor do traballo conxunto entre o Concello e o asociacionismo local.
O Concello de Lourenzá anima á veciñanza a continuar participando nas próximas actividades desta programación, que seguirá ofrecendo novas propostas para desfrutar do verán en comunidade.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
