Nota de prensa
A CIG-Ensino critica o gasto de 950.000 € nunha campaña de propaganda da Consellaría mentres os centros de ensino da Mariña sofren continuos recortes de profesorado e de servizos
A CIG anima ao profesorado da Mariña a reprobar a política educativa da Xunta nas eleccións sindicais do 2 de decembro.
Ribadeo, 29 de novembro de 2010.- A CIG-Ensino da Mariña critica o gasto de case un millón de euros en propaganda da Consellaría de Educación mentres os centros educativos da Mariña están a sufrir como nunca unha política de recortes que leva aparellado unha perda importante na calidade do ensino na comarca.
No DOG do 17 de novembro publicouse unha resolución da Secretaría Xeral de Medios pola cal se anuncia que se van gastar 950.000 € nunha campaña chamada “Servizo para a elaboración da campaña informativa de divulgación dos novos valores do sistema de ensinanza non universitaria na Comunidade Autónoma de Galicia”, que para a CIG-Ensino da Mariña, en palabras da súa responsable na comarca, Dores Fernández Abel, “este gasto non é máis que unha dilapidación de diñeiro público que debería ser investido en dotar aos centros de ensino de máis e mellores recursos, tanto en materia de profesorado como doutros servizos complementarios”.
Para a CIG-Ensino esta dilapidación de cartos en propaganda da Xunta contrasta cos recortes en materia educativa sufrida polos centros de ensino de toda a Mariña durante este curso escolar, e que supuxo a perda do bacharelato presencial para adultos na nosa comarca, a supresión de varios ciclos formativos, o peche da escola unitaria de Vieiro ou a supresión dunha unidade de Educación Primaria no CEIP Vista Alegre. Estas medidas levaron consigo a perda de máis de vinte postos de traballo na comarca, en parte polo expresado nos puntos anteriores e, en parte, pola non cobertura de vacantes, co consecuente incremento de alumnos por aula, a obriga, cada vez máis común, de impartir materias afíns, e a imposibilidade de impartir determinadas materias. Pola contra, e a pesar de levalo no seu programa, a Consellaría segue sen reducir as rateos por aula, particularmente en infantil, agrupando unidades ou non cubrindo as baixas en tempo e forma mentres non tivo ningún reparo en eliminar o sistema de gratuidade dos libros de texto, tirando ao lixo millóns de euros.
Así mesmo, a Consellaría non se preocupou de dotar de profesorado especialista aos centros da Mariña, como, por exemplo, pasou no IES de Xove, que non conta neste curso con ningún profesor de matemáticas, ou no IES de Foz, cun horario completo de Latín impartido por un profesor doutra materia, ou o caso do CEI San Roque de Viveiro, onde están sen cubrir, desde inicio de curso, dous postos de Educación Infantil. Ao mesmo tempo, o deterioro do ensino e o afán privatizador aplicado pola Xunta tamén se comproba na supresión de servizos públicos complementarios, como sucedeu co servizo de comedor escolar do Ceip de Ourol, este curso atendido por un servizo de catering.
Segundo Dores Fernández Abel, todas estas campañas propagandísticas non poden agochar as verdadeiras intencións da Xunta para o ensino público, que se ven reflectidas –por segundo ano consecutivo- nos orzamentos do 2011 dedicados a educación, cunha reducción dun 6,77% (161 millóns de euros) respecto de 2010, mentres se seguen aumentando os concertos educativos cos centros privados, incluso en niveis non obrigatorios como a infantil ou os ciclos formativos.
O profesorado da Mariña saberá valorar na súa xusta medida a política educativa e lingüística da Consellaría de Educación o próximo día 2 de decembro, día no que se celebran as eleccións sindicais no ensino público non universitario. Animamos, pois, a que todo o profesorado da nosa comarcar reprobe estas políticas contra o ensino público practicadas pola actual Consellaría de Educación apoiando á CIG-Ensino o próximo día 2 de decembro, única maneira de facerlles fronte.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
