Nota de Prensa
O ARCEBANSA ZAMORA REGRESA A VISTA ALEGRE BAIXO A BATUTA DO EX-BURELISTA JUANITO
A bomboneira acollerá un dos encontros máis emocionantes da tempada, na undécima xornada de Prata. O Arcebansa Zamora regresa a Vista Alegre tras a súa fugaz incursión en Honra (2009-10), baixo a batuta do técnico ex-burelista Juanito. Sen dúbida, a rivalidade de tempo atrás entre ambas as escuadras volverá prender a mecha do espectáculo mañá a partir das 18.30 horas.
Dende a cuarta posición (21 puntos), o Burela FS facerá valer a súa fortaleza como local ante un rival que comezou 2010-11 como un dos favoritos da categoría e ao que aínda lle queda moito por ensinar. Os castelano-leoneses chegarán moi motivados despois de ver escapar os puntos ante Puertollano (0-2) e Navarra (0-2). Estes dous últimos resultados, en contra, enviáronos ata a undécima praza (13 puntos); necesitan recuperar a boa senda para recolocarse entre os privilexiados.
A de Juanito non será a única cara coñecida da escuadra visitante para os mariñáns. Tamén volverán pisar a bomboneira os ex-burelistas Juampe (Azkar Lugo) e Dani Rodríguez (Bujalance), que, xunto con Diego Palomo (Valverde), Saúl Marrupe (Marfil), Lolo Jarque (Bujalance) e Jonatan (Xota) ou os canteiráns Oli e Daniel Colino, protagonizan a renovación do Arcebansa no seu regreso a Prata.
Segundo o expresado dende o club zamorano, Arrivi e Jonatan poden ser as dúbidas, por una lesión de pulso e unha escordadura respectivamente. No banco laranxa, a única ausencia será Víctor Cachón, que hoxe xa puido compartir sesión co grupo e a próxima semana poderá tomar contacto co balón.
Xornada 12ª. Con só dous días de recuperación, en Cidade Real agárdalle ao Burela FS unha das citas máis difíciles da tempada. Tras o infortunio de play off 2009-10, o cadro laranxa volverá ao Antonio Rivilla para medirse en duelo directo ao Puertollano FS o martes 9 (20.30 horas), rival que tamén chegará ao encontro coas forzas resentidas, tras a pelexa ante o Ribera Navarra.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
