Nota de prensa
A Deputación dará traballo a máis de 120 persoas coa construción das primeiras 10 residencias e centros de día
– O Presidente e os Alcaldes de Trabada, Riotorto, Meira, Guitiriz, Castroverde, Ribas do Sil, O Saviñao, Pol, Pedrafita e Navia de Suarna asinaron os convenios de adhesión ó proxecto socioeconómico que crea emprego e combate o despoboamento demográfico na provincia
– Gómez Besteiro salienta que “é momento de substituír o concepto de austeridade empobrecedora por austeridade enriquecedora. A nosa vontade é construír máis residencias na provincia. A Xunta debe incorporase ó proceso”
– Todos os Rexedores acordan sumarse á iniciativa da Deputación para, durante o mes de febreiro, ratificalo no Pleno municipal e aportar os terreos ó organismo provincial e, en marzo, iniciar a licitación dunhas obras que ofrecerán 410 prazas para maiores
O Presidente da Deputación, José Ramón Gómez Besteiro, e os Alcaldes de Trabada, José Manuel Yanes; Riotorto, Federico Gutiérrez; Meira, Antonio de Dios; Guitiriz, Regina Polín; Castroverde, José María Arias; Ribas do Sil, Miguel Ángel Soutela; O Saviñao, Joaquín González; Pol, Lino Rodríguez; Pedrafita, José Luís Raposo; e Navia de Suarna, José Fernández, asinaron este luns no Pazo de San Marcos os convenios de adhesión ó proxecto de construción das 10 primeiras residencias e centros de día. Trátase dunha iniciativa que dá resposta ós retos do organismo provincial para 2011: crear emprego, máxima cooperación cos Concellos, e combater ó despoboamento demográfico. Gómez Besteiro salientou que “é momento de substituír o concepto de austeridade empobrecedora por austeridade enriquecedora onde sexamos capaces de aforrar, e de dicirlle ós veciños en que investimos cada euro que aforramos. Con estas infraestruturas daremos traballo a máis de 120 persoas, ó tempo que facemos fronte ó despoboamento: o problema da Galicia do século XXI”.
Os 10 primeiros centros para maiores que construirá a Deputación na provincia mediante SUPLUSA -entidade dependente do organismo provincial anteriormente adicada en exclusivo á creación de solo industrial ata que o actual Goberno provincial a reorientou- terán capacidade para 26 persoas no caso das residencias, e de 15 nas instalacións de día. Isto significa que, en total haberá 410 prazas. Segundo as directrices da Lei de Servizos Sociais de Galicia, é obrigatorio contratar a un mínimo de coidadores por número de prazas, así como 1 médico e 1 ATS que presten atención as 24 horas do día. Tendo en conta a capacidade destas 10 primeiras residencias e centros de día, a Deputación dará traballo ó redor de 120 coidadores. A maiores, contratará a persoal auxiliar como: administrativo, cociñeiros ou limpeza, entre outros.
Prazos
Gómez Besteiro destacou que “cumprimos coa palabra dada”. En decembro, o Consello de Administración de SUPLUSA acordou as localidades de situación dos fogares residenciais con centros de día tendo en conta o seguinte: que os municipios foran obxecto dun informe técnico que detectaba a necesidade destas infraestruturas en localidades envellecidas e que perden poboación; dotar de servizos sociais a zonas cun alto porcentaxe de maiores para mellorar a súa calidade de vida; e crear emprego para xerar novas oportunidades económicas, freando o despoboamento demográfico no rural. En xaneiro, tal e como anunciou no seu día o Presidente, os Concellos deberían decidir se querían sumarse á esta iniciativa mediante a sinatura destes convenios. O Presidente adiantou que, durante o mes de febreiro, os municipios deberán ratificalo no Pleno e aportar os terreos ó organismo provincial para, en marzo, comezar coa licitación das obras.
“A Xunta debe incorporarse ó proceso”
A construción das primeiras 10 residencias e centros de día é un proxecto de mutuas obrigacións. A Deputación inviste 12 millóns de euros na construción destas infraestruturas. Mentres, os Concellos, ademais de aportar os terreos e os servizos urbanísticos, participan no finanzamento mediante unha achega de 200.000 euros, o 14% do custe total de cada centro que ascende a 1.400.000 euros. Deste xeito, malia que o organismo provincial non ten competencias en materia sanitaria xa que estas lle competen ó Executivo galego, fai un importante esforzo inversor co obxectivo de combater datos coma os seguintes: a Enquisa de Poboación Activa apunta que Galicia liderou a destrución de emprego en España durante 2010 -na actualidade, hai máis de 200.000 parados-; o Instituto Nacional de Estatística mantén que a Comunidade xa supera as 1.400 localidades baleiras pola crise demográfica. Neste senso, o Presidente asegurou que “a Xunta debe incorporase ó proceso”, e reiterou a necesidade de “fronte á austeridade empobrecedora, austeridade enriquecedora”.
Na actualidade, o Goberno galego ten residencias en Burela, Castro de Rei, Monforte de Lemos e Quiroga. A maiores, subvenciona prazas en centros privados de Chantada, Guntín, O Incio, Lugo, Láncara, Monforte de Lemos, Pastoriza, Sober, O Valadouro, Vilalba e Xove. Mentres, A Fonsagrada, Becerreá e Foz esperan que o Executivo Galego cumpra coa súa palabra levando novos centros.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
