Nota de prensa
ANTÓN BAO PRESENTOU O CONXUNTO DE CURSOS DE FORMACION TEATRAL DE BUXIGANGA
A Área de Cultura da Deputación pon en marcha por segundo ano as accións formativas en materia de teatro ao amparo do proxecto Buxiganga
Recoñecidos profesionais como Jorge Coira, Avelino González, Fernando Dacosta ou Ánxeles Cuña ofrecerán cursos de interpretación, escrita teatral e comedia da arte entre maio e novembro
LUGO, 18 de abril de 2011. O vicepresidente da Deputación de Lugo, o nacionalista Antón Bao, acompañado de Paloma Lugilde, membro do grupo de teatro do Consello de Cultura da Deputación, presentou esta mañá no Pazo de San Marcos o conxunto das actividades formativas en materia de teatro que se desenvolven ao amparo do proxecto Buxiganga. Trátase dun conxunto de cursos para actores e actrices sobre diversos aspectos específicos do teatro que se desenvolverán entre os meses de maio e novembro. A presentación dos cursos de teatro tivo lugar nos xardíns da Deputación, onde os rapaces e rapazas do grupo Upiaska da escola de Arte e Lecer de Fingoi representaron fragmentos da peza “Os miserables”, a xeito de introdución da rolda de prensa.
Tal e como sinalou Antón Bao, “Buxiganga é un proxecto teatral global, que non soamente ten circuítos de representacións teatrais, e como tal hoxe presentamos un ano máis unha ramificación do proxecto, un programa formativo para os actores e actrices tanto profesionais como afeccionados da provincia que é o segundo ano que se realiza”. Antón Bao sinalou como un dos grandes éxitos de Buxiganga “a creación de novos grupos, pasando a integrar o circuíto Buxiganga 22 grupos onde había 12 grupos de teatro cando comezou”. Segundo sinalou Bao, os cursos van estar “impartidos por recoñecidos profesionais nas diferentes especialidades teatrais da nosa comunidade, persoas de recoñecido prestixio a nivel nacional como Jorge Coira, o cal felicitamos publicamente polo éxito acadado por “18 comidas” nos XI Premios Mestre Mateo concedidos pola Academia do Audiovisual Galego, nos que gañou sete premios entre eles os de Dirección, mellor longametraxe e guión. E ademais de Jorge Coira teremos entre nós a importantes membros das mellores compañías do teatro galego” .
Paloma Lugilde entrou a detallar os diferentes cursos que se van a ofertar entre maio e novembro, e animou aos actores e actrices a apuntarse canto antes xa que son cursos que teñen un custe de matrícula moi baixo (10 euros para actores e actrices de grupos de teatro dentro do circuíto Buxiganga e 20 euros en xeral) e unha gran demanda xa que son impartidos por profesionais moi recoñecidos.
A CONTINUACIÓN O LISTADO DE CURSOS DE TEATRO DE BUXIGANGA
CURSOS EN LUGO -MUSEO PROVINCIAL DE LUGO-
• Kirenia Martínez da compañía de danza Entremáns: Curso teatro-danza: os sábados do mes de xuño. (4, 11, 18 e 25 de xuño) 09.00 horas a 14.00 horas
• Jorge Coira, director de cine: Curso de interpretación ante a cámara: sábados do mes de maio. (7, 14, 21, 28 de maio) 09.00 horas a 14.00 horas
•Ánxeles Cuña, directora e dramaturga de Sarabela Teatro: Curso de dramaturxia (escritura teatral): dous xoves ao mes ao longo dos meses de maio, xuño, xullo, setembro e outubro.
5 e 19 de maio
2, 16 e 30 de xuño
7 de xullo
1, 15 e 29 setembro
20 de outubro
17.00 horas a 21.00 horas
•María Torres, actriz e directora da compañía Elefante Elegante: Curso de Pantomima: outubro. (1, 15, 22 e 29 de outubro) 09.00 horas a 14.00 horas
•Avelino González: Curso de comedia do arte: novembro (5, 12, 19 e 26 de novembro) 09.00 horas a 14.00 horas
CURSO EN SARRIA -CASA DA CULTURA-
• Fernando Dacosta, actor de Sarabela Teatro, interpretación: setembro (3, 10, 17 e 24 de setembro) 09.00 horas a 14.00 horas
CURSOS BURELA -AUDITORIO DA CASA DA CULTURA-
• María Barcala, actriz de Teatro do Atlántico, interpretación 1: sábados do mes de xullo (2, 9, 16 e 23 de xullo) 10.00 horas a 15.00 horas
• Lucía Regueiro, actriz Teatro do Atlántico, interpretación 2: sábados do mes de setembro (3, 10, 17 e 24 de setembro) 10.00 horas a 15.00 horas
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
