Nota de prensa
O PANIFICADORA CUMPRE O OBXECTIVO DA PERMANENCIA
O obxectivo está cumprido para o Panificadora del Eo Ribadeo FSF, que volverá xogar en Autonómica a próxima tempada. Aínda que non puido conseguir os tres puntos o pasado sábado na visita do Cidade das Burgas (0-3), a derrota do Carballiño na cancha do Funeraria Apóstolo facilítalles ás mariñás, matematicamente, a permanencia na categoría a falta de dúas xornadas para a finalización.
Demasiado castigo foi o 0-3 para o Panificadora tal e como se desenvolveu o encontro. Non tiveron a tarde as de Martínez, que se foron ao descanso con 0-0, cun tiro ao pau e un penalti fallado.
Na continuación máis do mesmo, pero foron as das Burgas quen se adiantaron no marcador nun roubo de balón propiciado por unha mala entrega dunha local. Cando máis apertaban as ribadenses, unha man dentro da área dunha visitante, incomprensiblemente sen sanción, supuxo á contra o 0-2 para as de Ourense. O 0-3 chegou dun tiro practicamente sen ángulo que golpeou no pau e en Vanessa. De novo os paus e un erro de Eva a porta baleira evitaron que as mariñás equilibrasen un partido cuxo resultado no marcador non reflectiu o ocorrido sobre a pista.
O Panificadora non terá competición ata o día 14 de maio, cando se desprazará a Vigo para enfrontarse ao Marcón, na última xornada.
Provincial feminina. Co triunfo ao Club A Pastoriza (4-1), o Xoula iniciou con bo pé a liguiña que dará opción aos catro primeiros clasificados de loitar por facerse coa Copa provincial. As ribadenses viaxarán a Lugo o día 30 para enfrontarse ao FSF Lucense.
Provincial masculina. O Ribadeo FS segue na pelexa polo ascenso, logo de superar en Sarria o Hotel Roma por 2-3. O próximo rival será o Parrillada Porta Santiago de Lugo, o 30 en Ribadeo.
Ficha técnica
Panificadora del Eo-Ribadeo FS: Carla, Nuria, Eva, Marta e Fátima, cinco inicial; tamén xogaron Iria, Sabela, Toñi, Arancha e Vanessa.
Cidade das Burgas: Antía, María, Raquel, Aldara e Nerea, cinco inicial; tamén xogaron Pomba, Sofía, Alicia, Nahir, Shirley e Laura.
Árbitros: Javier e Antón Menéndez Nistal da delegación de Lugo. Mostraron cartón vermello a Antía polo Cidade e amarela a Eva polo Panificadora.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
