Nota de prensa
ANTONIO VEIGA ANUNCIA QUE OS ORZAMENTOS DAS ÁREAS DE GOBERNO DA VICEPRESIDENCIA DA DEPUTACIÓN SERÁN PARTICIPATIVOS
Veiga sinalou que ao longo do mes de setembro se van manter máis de 40 xuntanzas con todo o tecido asociativo da provincia para estabelecer os eixos centrais e prioritarios dos orzamentos de 2012
O vicepresidente afirmou que “a sociedade debe ter voz e voto nas administracións máis que cada catro anos, por iso se crea esta canle de participación social”
Lugo, 2 de setembro 2011. O nacionalista Antonio Veiga, vicepresidente da Deputación de Lugo, na rolda de prensa posterior á Xunta de Goberno da Deputación, e fóra dos asuntos do día, anunciou que os orzamentos de 2012 das áreas dependentes da Vicepresidencia Primeira da Deputación serán elaborados conforme á natureza “participativa”, é dicir, que se terán en conta as necesidades e suxestións que formule o tecido asociativo de toda a provincia para priorizar nos orzamentos. Neste camiño, Antonio Veiga anunciou que “ao longo do mes de setembro vanse manter máis de 40 xuntanzas con todo o tecido asociativo da provincia para estabelecer os eixos centrais e prioritarios dos orzamentos de 2012”.
Antonio Veiga explicou que “é a nosa vontade, e nesa dirección imos comezar a traballar a partir da vindeira semana, para elaborar uns orzamentos que respondan ao que se dan en chamar como orzamentos participativos”. Veiga continuou expresando que “en política as cuestións de fondo son inseparables das cuestións de forma, ou o que é o mesmo as formas rematan por modular o fondo e por iso o proceso de elaboración dos orzamentos destas áreas vanse facer en contacto permanente cos colectivos sociais, coa sociedade organizada, cos concellos, organismos que deberán asumir as competencias da deputación e as que as deputacións lle corresponde apoiar: este será un contacto permanente, que nos ciframos no diálogo co conxunto das asociacións culturais, deportivas, de discapacitados, xuvenís, de mulleres, feministas, ONGS, e colectivos vinculados á comunidade educativa”.
Veiga anunciou que “o 12 de setembro inícianse as xuntanzas cunha reunión na Mariña, o 14 en Lugo e o 15 de setembro en Monforte de Lemos, cos colectivos culturais e deportivos destas comarcas de Lugo. Así as cousas ao longo do mes de setembro manteremos máis de 40 xuntanzas co tecido social da provincia, para definir os eixos centrais, do que vai ser a política orzamentaria das nosas áreas”.
Antonio Veiga quixo reafirmarse en que “sempre entendemos que a acción de goberno é antes que nada, diálogo entre administrador e administrado, que a democracia é moito máis que o exercicio do voto de catro en catro anos, e por iso pensamos, queremos e imos darlle voz, voz determinante a sociedade na elaboración dos orzamentos”. Veiga foi contundente ao afirmar que “nós non lle temos medo a que a sociedade fala, nos pola contra queremos que a sociedade fale, se comprometa coa xestión do público e o compromiso coa xestión do público, require por parte da Admistración a creación de canles de participación, para que a sociedade se exprese, iso imos garantilo coa metodoloxía elixida para a elaboración dos orzamentos”. “Levamos a cabo unha metodoloxía que posibilita o control do poder político por parte da cidadanía, que responsabiliza a esta na xestión do público e particularmente que lle devolve ao pobo o seu papel protagónico, de xeito que votar cada catro anos non sexa como entregar un cheque en branco a quen goberna”-aseverou o vicepresidente nacionalista da Deputación de Lugo.
Antonio Veiga quixo concluír afirmando que “somos dos que pensamos que o rico e potente tecido asociativo da Comarcas de Lugo é un patrimonio dun valor incalculábel que temos que aproveitar para unha xestión eficiente desde a esfera do público e que o público debe potenciar e promover na medida que é o indicador da saúde dunha sociedade madura”. “Neste sentido queremos que sexa todo ese tecido quen defina, formule, oriente concrete e tamén execute os orzamentos que nos corresponde elaborar ás diferentes áreas que colguen da Vicepresidencia 1º, e por iso agardamos e contamos en todo caso que o tecido social das comarcas de Lugo se mobilice a fin de que este paso, que nós pensamos cualitativamente importante para a calidade democrática, sexa un éxito”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
