Nota de prensa
Os nacionalistas aspiran a convertir Alcoa nun imán para o desenvolvemento económico da Mariña.
O BNG comprometese a darlle o finiquito a reforma laboral, a conxelación salarial e a xubilación aos 67 anos.
Unha delegación do BNG, encabezada polo candidato ao Congreso e Alcalde de Riotorto Federico G. Estoa e o Candidato ao Senado e Tenente de Alcalde de Viveiro Bernardo Fraga, mantiveron unha xuntanza na xornada de hoxe con representantes Comité de Empresa de Alcoa a cabeza dos cales se atopaba o seu Presidente Xosé Paleo.
Segundo indicou Estoa, “como é habitual desde 1996, desde que o nacionalismo galego ten representación nas Cortes do Estado, o BNG convoca esta reunión para dar conta do traballo feito, das iniciativas presentadas en Madrid e revisar a política do Estado en relación con Alcoa,de xeito moi particular no referido as problemáticas concretas da factoría e tamén no que ten a ver coa xestión que se está afacer da crise cos grandes custos sociais para as clases traballadoras. E todo isto pensando que estamos a falar dunha empresa estratéxica para a Comarca, dunha factoría que debe e pode operar como imán, posto que supón o 34% do PIB da provincia e o autentico motor da Comarca”.
O nacionalista fixo referencia a necesidade de darlle unha solución definitiva ao problema que se plantexa coa factura eléctrica da fabrica do que depende a súa continuidade, a apertura do dique norte, as conexións terrestres do complexo alumineiro e ao seguimento dos compromisos por parte do Estado establecidos no acordo de venda da planta a multinacional americana. Neste sentido o candidato nacionalista lembrou “que para Alcoa a enerxía é básica, acapara o 3 por cento do consumo enerxético do Estado, un terzo do consumo total de Galiza e ante a incertidume creada pola liberalización do mercado eléctrico é necesario garantir un marco estábel que pasa necesariamente pasa pola construción do ramal do gaseoducto Ribadeo-Viveiro, que a día de hoxe atópase licitado e coas expropiacións feitas, cun orzamento de execución de 16 millóns de euros, pero que acumula retrasos de preto de catro anos polo que esta debe ser a lexislatura da súa entrada en funcionamento e só o BNG que non se utilize a crise para adiar a súa construción”.
Na mesma liña o candidato nacionalista insistiu na necesidade “ dunha mellora nas condicións de comunicación tanto viarias como ferroviarias entre o complexo alumineiro é os seus mercados potenciais na perspectiva de diminuír os gastos de loxística e por conseguinte aumentar a competitividade da factoría, competitividade que de ningún xeito pode pasar pola perda de poder adquisitivo dos traballadores do complexo e da precarización das súas condicións laborais”. “Compre” , afirmou Estoa, “ no ámbito dos acesos ferroviarios a construción dun ramal desde a factoría de Alcoa á estación de Lago para poder sacar a produción de aluminio en tren e rematar co contrasentido que supón ter que transportar o aluminio a Lago en camións. Asemade é necesario a conexión de Alcoa coa A-8, coa posta en marcha da Autovía Barreiros – San Cibrao, actuación que tiña que estar rematada en 2010 e que desde 2004 se atopa en fase de Estudo Informativo”.
No marco da xuntanza os nacionalistas denunciaron “ as políticas económicas dos socialistas e populares, unhas políticas que representan o mesmo como se puido comprobar desde que comezou a crise e que ten como único obxectivo transferir os custos da crise as maiorías sociais. É particularmente grave a reforma laboral aprobada polo Goberno coa anuencia do PP, unha reforma que como se está ver, non tiña máis obxectivo que facilitar as condicións do despido e non resolver o problema do desemprego, até o punto de que desde a súa entrada en vigor este non fixo máis que aumentar. Non se pode continuar a destruír emprego, sendo neste sentido paradigmática a política da Xunta, cuxo Presidente anunciou en campaña rematar co paro en tres meses, e que porén o aumentou no seu mandato en sete puntos. É hora de reaxir, dun cambio de rumo nas políticas económicas que se debe fundamentar primeiramente nunha aposta decidida pola creación de emprego e en segundo lugar por poñer fin aos recortes nos dereitos sociais e laborais dos traballadores. Se hai perda de poder adquisitivo, non hai posibilidade de reactivación económica, posto que significa un descenso no consumo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
