ALEGACIÓNS AO PLAN XERAL DE ORDENACIÓN MUNICIPAL DE BURELA
Despois da aprobación inicial do Plan Xeral de Ordenación Municipal do Concello
de Burela e, unha vez analizado polo detalle e explicado publicamente aos veciños nun
acto onde recollimos as súas suxestións, dende o BNG vimos de presentar un conxunto
de alegacións que, consideramos, deberían de ser incorporadas no documento definitivo
para mellorar este importante instrumento urbanístico que reflite a Burela do futuro.
Moitas das alegacións que presentamos refírense a criterios arbitrarios e
discriminatorios con respecto a distintos aspectos:
– En primeiro lugar, con respecto ao trazado dos polígonos no solo urbano non
consolidado que supoñen que algúns veciños desas zonas teñen que facer todas as
cesións e outros só reciben os beneficios da futura urbanización sen facer cesións nin
suportar os custos de execución do polígono. Isto, entendemos, é contrario ao xusto
reparto de cargas e beneficios que recolle a lexislación vixente como criterio a respectar.
– En segundo lugar, con respecto ao volume de edificación que se contempla en
certas zonas con respecto ao que xa está construído: zonas onde se permiten levantar
cinco alturas ao lado de vivendas unifamiliares ou de edificios de menos plantas.
– En terceiro lugar, con respecto ás aliñacións das edificacións na Avda. Arcadio
Pardiñas: hai zonas onde se respecta a aliñación quedando edificacións fóra de
ordenación e noutras zonas que non están construídas non se obriga ao retranqueo que
si fixeron edificios colindantes.
– E, en cuarto lugar, non existen criterios claros no catálogo de patrimonio
arquitectónico á hora de establecer as edificacións a protexer. Debería de facerse con
rigor e sen discriminacións. Tamén propoñemos, para as edificacións catalogadas de
protección arquitectónica, a posibilidade de beneficios ou exencións fiscais para os
propietarios destas casas.
Cremos, tamén, que se debe de corrixir a contradición que existe no PXOM entre o
que se escribe e o que aparece nos planos nas zonas dos Castros e Castrelo. Na
normativa aparecen como zonas da protección arqueolóxica integral nas que se impide
calquera tipo de actuación edificatoria, mentres que nos planos si se permite edificar. Isto
pode crear inseguridade xurídica e repercusións negativas nos afectados e debería
aclararse convenientemente. Igualmente e con respecto aos xacementos arqueolóxicos,
tamén se deberían de recoller no PXOM todos os que xa aparecen catalogados como tal
no POL.
E, xa por último, outras cuestións que tamén recollemos nas nosas alegacións
refírense ao corredor ecolóxico do río Pomeda (na zona de Foxo) que aparece reflectido
no POL e que, sen embargo, o PXOM de Burela non contempla e que faría inviable
urbanisticamente esta zona; á filosofía do non apantallamento da fachada marítima do
noso pobo do que se fala na parte escrita do documento e que despois non se recolle nos
planos que si permiten novas construcións nesta zona; á necesidade de que o PXOM
contemple unha zona de protección forestal con respecto ás edificacións existentes ou
futuras; ou, tamén, á corrección de certos erros nas lendas e na coloración dalgunhas
zonas que son contraditorias e levan ao engano.
A día de hoxe hai máis de cen alegacións presentadas no Concello e isto quere
dicir que, a pesar de que estamos en momentos difíciles e de que as expectativas de
novas construcións estarán estancadas durante moitos anos, a xente de Burela está
preocupada polo futuro urbanístico e descontenta con moitos dos aspectos do Plan Xeral
que, como nós indicamos, son claramente discriminatorios e arbitrarios. Un Plan Xeral
que, mal que lle pese ao Partido Popular (que, cando lle interesa, todo o fixeron eles e
que, cando non lle interesa, a culpa é dos outros…), en aspectos moi concretos e
primordiais en nada se parece ao documento inicial que elaboramos o anterior equipo de
goberno, porque, entre outras cousas, as leis e normativas que aprobou o PP na Xunta de
Galiza (o POL, as Directrices de Ordenación do Territorio, a nova Lei do Solo…) afectan
substancialmente ao futuro urbanístico do noso concello e condicionan o Plan Xeral de
Burela
Remitido
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
