O Concello de Cervo recibe a David Cal que se prepara para as Olimpíadas no encoro de Río Covo
-A pista de Río Covo ofrece unhas características moi semellantes á de Londres e as condicións climatolóxicas son idénticas ás da capital inglesa
-O padexeiro cangués realizará un adestramento específico para a cita olímpica durante 11 semanas
Cervo, 22 de maio de 2012-O goberno local de Cervo recibiu esta mañá ao deportista cangués David Cal, que por terceiro ano consecutivo elixiu o encoro de Río Covo como o seu lugar de adestramento de cara aos Xogos Olímpicos de Londres. Un acto no que estiveron presentes o alcalde, Alfonso Villares, o edil de Deportes, José Ramón Soto, a edil de Educación, Yolanda Pedreira, o deportista David Cal e o seu adestrador, Suso Morlán.
O rexedor cervense manifestou a súa satisfacción porque o deportista do Hío volvera a Cervo para a súa preparación. “Dende o grupo de goberno alegrámonos de que o encoro de Río Covo e o municipio cervense cumpran as condicións necesarias para que un dos deportistas galegos máis prolíficos realice o seu adestramento específico a poucos meses da celebración dos Xogos Olímpicos de Londres” asegurou o rexedor. “Xa lle transmitimos a David Cal e a Suso Morlán a nosa enteira disposición para facer o máis agradable posible a súa estancia en Cervo e que saiban que contan co Concello para o que poidan precisar” engadiu Villares, que tamén lle desexou ao padexeiro que a súa preparación en augas cervenses “resulte satisfactoria e frutífera e lle permita conseguir a súa quinta medalla olímpica”.
O deportista, gañador de dúas medallas nos Xogos de Atenas de 2004 e outras dúas nos de Beijing de 2008, leva todo o ano adestrando, aínda que a preparación no encoro de Río Covo, que durará 11 semanas, será máis específica debido ás grandes semellanzas entre a pista cervense e a de Londres. Segundo explicou Suso Morlán, no 2009 el e máis David Cal pasaran dez días na pista olímpica da capital inglesa adestrando para probar as características do lugar exacto da competición. Ao mesmo tempo, fixeron as medicións oportunas sobre as condicións climatolóxicas e a lámina de auga para procurar unha pista o máis similar posible en España, a poder ser en Galicia, e que estivera situada nunha zona cun clima semellante.
Segundo as observacións de Suso Morlán, Cervo era o municipio galego que máis se aproximaba ás condicións climatolóxicas de Londres e o seu encoro era o máis parecido á pista inglesa. O propio Morlán coñecía a pista de Río Covo, na que polas súas características e situación podían adestrar incluso con vento, e practicar coas mesmas incomodidades meteorolóxicas que se poderían dar o día da competición olímpica.
O adestrador destacou tamén as facilidades atopadas en Cervo, como a privacidade á hora de adestrar no encoro, a disposición dunhas instalacións deportivas completas, un acceso doado á auga, tranquilidade e a colaboración do Concello así como de Alcoa, un apoio necesario, o da empresa, para o mantemento dun nivel de auga invariable e axeitado para o adestramento.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
