O Concello homenaxea aos equipos de fútbol de Cervo e San Ciprián polos seus recentes ascensos
-O alcalde e o edil de Deportes fixeron entrega de medallas aos xogadores e adestradores de ambos equipos
-A recepción tivo como obxectivo recoñecer publicamente o esforzo de ambos clubs e os bos resultados que lles permitiron subir de categoría
Cervo,11 de maio de 2012-O goberno de Cervo recibiu esta tarde no salón de actos do Concello aos compoñentes dos equipos de fútbol locais, o S.D. Cervo e o C.D. San Ciprián. Unha recepción coa que o executivo quixo facer un recoñecemento público a ambos clubs deportivos polos respectivos ascensos acadados recentemente. O alcalde, Alfonso Villares e o edil de Deportes, José Ramón Soto, foron os encargados de facer entrega das medallas aos xogadores e adestradores de ambos equipos nun acto aberto ao público no que tamén estiveron presentes representantes das directivas dos clubs.
No caso do S.D. Cervo, o club deixa a 2º Autonómica e volve a 1º, un ascenso de categoría que conseguían no último encontro da Liga xogado contra o Iberia despois de manterse durante a meirande parte da temporada nos primeiros postos da táboa e incluso permanecendo no primeiro posto durante 4 xornadas consecutivas; mentres o C.D. San Ciprián recupera o seu oco en 2º Autonómica despois de quedar primeiro na clasificación final e manterse inamovible no primeiro posto dende a xornada número 11 ata o remate da Liga.
A recepción foi un acto emotivo no que Villares e Soto lles transmitiron os seus parabéns a senllos equipos de fútbol local, desexándolles ao mesmo tempo que as súas respectivas traxectorias deportivas sigan igual de exitosas. “Quixemos expresarlles as nosas felicitacións a todas as persoas que con esforzo e ilusión conseguiron os merecidos ascensos, dende os xogadores, os adestradores, e as directivas” asegura o alcalde. O rexedor tamén quixo “desexarlles o mellor aos dous equipos na seguinte temporada, agardando que continúen nesta senda de vitorias ás que tamén contribúe unha afección que vibra en cada encontro” remata o mandatario cervense.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
