Jose Manuel Balseiro lembra que ambos executivos realizan xestións para abaratar a tarifa eléctrica -que supón o principal custe de produción desta compañía- e impulsan os proxectos gasistas que beneficiarán aos centros de traballo de San Ciprián e da Coruña
O GRUPO POPULAR SALIENTA QUE XUNTA E GOBERNO CENTRAL TRABALLAN PARA MANTER A ACTIVIDADE E OS POSTOS DE TRABALLO DE ALCOA EN GALICIA
Xa existe un acordo parlamentario unánime consensuado polas tres forzas políticas no mes de abril e polo tanto non procede apoiar a petición do BNG “que non achega nada novo” indicou Balseiro
Os nacionalistas chegan tarde coa súa proposta e só buscan un pouco de protagonismo e limpar a mala conciencia do nacionalismo despois de converterse en socio preferente do Goberno do PSOE no Estado e deixar 24 mil millóns de déficit tarifario, o motivo polo que agora se encarece o prezo da electricidade
Santiago, 27 de xuño de 2012.- O Grupo Parlamentario Popular salienta que a Xunta e o Goberno central traballan para manter a actividade e os máis de 2.000 postos de traballo que a multinacional Alcoa ten en Galicia. O deputado popular Jose Manuel Balseiro defendeu no Pleno do Parlamento que o Goberno galego ten intensificado as súas relacións coa propia factoría e co Ministerio de Industria para impulsar dous dos proxectos máis importantes de cara a acadar este obxectivo: unha tarifa eléctrica máis barata e a posta en marcha do gasoduto da Mariña.
Os populares consideran que os nacionalistas “chegaban moi tarde coa súa proposta, como mínimo dous meses tarde” posto que como lembraron xa existe un acordo parlamentario unánime consensuado polas tres forzas políticas que data do mes de abril e no que xa se incluían medidas a favor da continuidade de Alcoa e, nomeadamente a redución da tarifa eléctrica para garantir a súa viabilidade e competitividade futura. Desde o PP propoñían na súa emenda ratificarse no contido deste acordo acadado no mes de abril feito que o BNG non aceptou, rexeitando calquera posibilidade de consenso ou transacción e obrigando ao voto en contra dos populares ante unha iniciativa “que non achegaba nada novo”. O acordo parlamentario do mes de abril foi tamén aprobado en concellos da Mariña e na Deputación de Lugo, en ambos casos por unanimidade e a proposta do PP.
Segundo Balseiro no BNG só buscan “un pouco de protagonismo e limpar a súa mala conciencia” despois de converterse en socio preferente do Goberno do PSOE que, tras dúas lexislaturas no Estado deixou 24 mil millóns de déficit tarifario, motivo polo que agora se encarece o prezo da electricidade.
PREZO DA ELECTRICIDADE
Os populares consideran necesario establecer un mecanismo de estabilidade nos prezos da enerxía eléctrica para manter garantidos os custes moderados de produción e así manter os postos de traballo desta compañía nos dous centros de traballo que ten Alcoa en Galicia.
Neste senso os populares lembraron que a delegada territorial da Xunta en Lugo, Raquel Arias, xa comunicou á dirección e ao comité de empresa de Alcoa que o Goberno central comprometeuse co Executivo galego para desenvolver un tratamiento específico para a tarifa eléctrica de grandes factorías, algo que beneficiará á fábrica aos intereses desta compañía.
GASODUTO DA MARIÑA
Por outra banda Jose Manuel Balseiro significou que tras anos de parálise a chegada ao Goberno do Partido Popular na Xunta e no Executivo central permitiu desbloquear o despregametno dos proxectos gasistas na Mariña lucense e na Coruña.
De feito, outro dos principais obxectivos desta compañía é lograr substituír a dependencia de fuel polo gas e chegar a crear unha canalización directa que inxecte gas nas caldeiras da factoría. Neste senso foi o Goberno do Partido Popular na Xunta –e non o bipartito- quen asinou os convenios con Alcoa Coruña e San Ciprián, proxectos para os que a actual administración autonómica mobilizou preto de 5 millóns de euros. E se prevé que para outono poderá iniciarse a construción da canalización do gasoduto mariñán para inxentar así o gas que precisa a factoría lucense.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
