O BNG PRESENTA UNHA MOCIÓN EN CONTRA DA CONCENTRACIÓN DO ALUMNADO DE INFANTIL E DE PRIMARIA. NO COLEXIO DE SAN COSME SUPRÍMESE UNHA UNIDADE DE PRIMARIA E TRES PRAZAS DE MESTRE. O ASUNTO ABORDARÁSE NO PLENO ORDINARIO DESTA TARDE.
Barreiros, 30 de xullo de 2012. O BNG leva ao pleno ordinario que se celebrará esta tarde no Concello de Barreiros unha moción en contra da concentración do alumnado de infantil e primaria. No colexio de San Cosme suprimiráse unha unidade de primaria e tres prazas de mestre, unha medida que está a ter unha grande resposta social a carón da que están os concelleiros nacionalistas.
Na tarde de hoxe, ás 19:30 horas, celebrarase un pleno ordinario en Barreiros no que o BNG presenta unha moción en contra da supresión de aulas e da concentración de alumnado de infantil e primaria. A portavoz dos nacionalistas sinala que “con esta moción queremos denunciar unha situación que se está a facer en todos os concellos de Galicia, xa que entendemos que os recortes non poden afectar tampouco á educación, xa que a educación pública é a que garante a igualdade de oportunidades nos nenos e as nenas. Recortar neste aspecto supón poñer en desigualdade de condicións ás nenas e nenos do rural, qué é onde se están a producir estes recortes, con respecto aos das cidades ou vilas máis grandes”.
Unha situación que lles afecta aos nenos e nenas de Barreiros “porque a finais de curso chegou unha notificación de que se suprimía unha unidade de primaria e tres prazas de mestres no colexio de San Cosme (inglés, música e educación física), polo que se agruparán aos nenos de 3 a 5 anos nunha soa aula de infantil e aos nenos de primaria de 6 a 13 anos noutra aula, ademáis co agravante de que este centro quedará sen especialistas”. Ermida indicou que “ésta é unha medida que está a ter unha grande resposta social tanto por parte do profesorado como das asociacións de nais e pais e o BNG non podía deixalo pasar. O que solicitamos nesta moción é instar á Xunta a que elimine a concentración do alumnado de infantil e primaria e que dote aos centros de ensino dos recursos necesarios para que a atención ao alumnado estea garantida, sobre todo ao alumnado que teña certas necesidades educativas especiais”.
O BNG rexistrou outras mocións para o seu debate neste pleno, pero finalmente non foron incluidas na orde do día. A portavoz do BNG en Barreiros explicou que “unha das mocións a respecto da solicitude á Xunta de Galicia de que se anule o repago que están a facer os pensionistas dos seus medicamentos, xa que supón un gasto e un grande cargo para estas persoas, que teñen unhas pensións moi baixas. Son medidas que se están a adoptar noutros sitios e a Xunta ten posibilidades de facelo. Noutra das mocións presentadas polo BNG, e que se estivo tratando noutros Concellos da Mariña, se solicitan medidas para garantir o futuro da Mariña, como a mellora do Hospital da Costa, a loita polo emprego ou a garantía das infraestructuras. E a terceira das mocións rexistradas era sobre a última reforma de réxime local, que realizou o goberno do Estado, entendemos que é tremendamente nociva para concellos coma o de Barreiros, un concello rural con poucos habitantes, que se están baleirando das súas competencias. O que se está a facer é apoiar unhas institucións como as Deputacións, que nada teñen de achegadas aos cidadáns mentras se lles quitan competencias aos concellos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
