O CONCELLO REALIZA UNHA CAMPAÑA POLAS PRAIAS PARA RECORDALLES AOS USUARIOS A NECESIDADE DE FACER UN USO RESPONSABLE DA AUGA DAS DUCHAS E DOS LAVAPÉS. AS MONITORAS DE GAIA COLOCARON HOXE PEGATINAS INFORMATIVAS.
Burela, 24 de xullo de 2012. As monitoras do Centro de Educación Ambiental Gaia colocaron hoxe pegatinas informativas nas duchas das praias burelesas para recordarlles aos usuarios a necesidade de facer un uso responsable dos recursos naturais.
A concelleira de Medio Ambiente, Patricia López Eijo, sinalou que “o que pretendemos é evitar o uso indebido e reducir o consumo de auga nos areais, xa que hai estudios que constatan que tan só o 34% da auga consumida nas
duchas instaladas a pé de praia se emprega para o seu fin e o resto desperdíciase, ben sexa xogando ou en usos prolongados”.
A edil popular lembrou que “un neno xogando nunha ducha ou nun lavapés pode
chegar a malgastar 500 litros de auga en 20 minutos”.
López Eijo indica que “na información dispoñible a pé de ducha nas praias de Burela recórdase aos usuarios que non está permitido o uso de produtos de aseo nas duchas e lavapés do areal, que deben ser conscientes de que a auga é un ben escaso e por tanto hai que facer un uso responsable da mesma e non deixar que os nenos xoguen coa auga das duchas, fontes ou lavapés. E tamén se lles lembra que está prohibido o acceso á praia de animais de compañía e o emprego das duchas para asealos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
