O EQUIPO DE GOBERNO SOMETERÁ A APROBACIÓN NO PLENO DO XOVES O EXPEDENTE DE CONTRATACIÓN DO SERVIZO DE AXUDA NO FOGAR NA MODALIDADE DE DEPENDENCIA. DIANA DURÁN SUBLIÑA QUE “QUEREMOS ESCOITAR A OPINIÓN DE TODOS OS GRUPOS POLÍTICOS”.
Burela, 24 de xullo de 2012. No pleno ordinario do vindeiro xoves, 26 de xullo, o o equipo de goberno someterá a aprobación o expedente de contratación do servizo de axuda no fogar na modalidade de dependencia. O orzamento máximo ao ano, IVE incluido, será de 225.600 euros e a duración do contrato será de dous anos, prorrogable ata un máximo de catro. A súa tramitación será urxente e a forma de adxucación será a da oferta máis vantaxosa económicamente avaliando tamén o proxecto de organización de servizo e as melloras.
A concelleira de Servizos Sociais, Diana Durán, subliña que “queremos sometelo a aprobación en pleno para escoitar as opinións de todos os grupos políticos. Consideramos que se trata dun asunto moi importante, de aí que decidísemos levalo ao pleno ordinario do vindeiro xoves”. Durán lembrou que “o bipartito, nos anos que estivo no goberno do Concello de Burela, nunca levou esta contratación a pleno para o seu posterior debate e intercambio de ideas e pareceres”.
A edil popular explica que “este contrato ten por obxecto a xestión do servizo público de axuda no fogar do Concello de Burela. A descrición, características e especificacións establécense no prego de prescricións técnicas. As necesidades administrativas a satisfacer mediante o contrato son a prestación do servizo de axuda no fogar a persoas en situación de dependencia, recoñecidas pola Xunta de Galicia, e que no programa individualizado de atención de recursos teñan o SAF coma recurso asignado, ou como respiro complementario doutro recurso e/ou prestación”.
Diana Durán indica que “o servizo de axuda no fogar é un servizo municipal que ten por obxecto prestar un conxunto de atención ás persoas no seu domicilio, desde unha perspectiva integral e normalizadora, naquelas situacións nas que teñan limitada a súa autonomía persoal ou nos casos de desestructuración familiar”. E engade que “os seus obxectivos pasan por mellorar a calidade de vida das persoas usuarias; posibilitar a permanencia no seu contorno de convivencia habitual; favorecer e potenciar a autonomía persoal no propio domicilio; manter, mellorar e recuperar as redes de relación familiar e social; previr situacións de dependencia ou exclusión social; retardar ou evitar a institucionalización; e reforzar a solidariedade e potenciar o voluntariado social”.
As atencións que se prestan desde este servizo son de carácter persoal na realización das actividades básicas da vida, das necesidades de carácter doméstico e da vivenda; préstanse atencións de carácter psicosocial e educativo e de carácter técnico e complementario, así como actuacións puntuais.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
