SUÁREZ BARCIA DEMANDA UN PLAN DE USO E DE XESTIÓN DA PRAIA DAS CATEDRAIS, “ANTES DE QUE SEXA DEMASIADO TARDE E MATEMOS Á GALIÑA DOS OVOS DE OURO”. O REXEDOR RECLAMA A PARTICIPACIÓN DA XUNTA E DO GOBERNO DO ESTADO.
Ribadeo, 14 de agosto de 2012. O alcalde de Ribadeo, Fernando Suárez, visitou esta mañá en compañía do vicepresidente primeiro da Deputación de Lugo, Antonio Veiga, este areal e demandou unha vez máis un plan de uso e de xestión desta praia, “antes de que sexa demasiado tarde e matemos á galiña dos ovos de ouro”. Suárez Barcia contou que o Concello está a asumir algo que excede a súa capacidade coa axuda da Deputación Provincial de Lugo, pero demanda a participación da Xunta de Galicia e do goberno do Estado. A Vicepresidencia Primeira da Deputación de Lugo e o Concello de Ribadeo asinaron un convenio de colaboración mediante o cal o ente provincial aportará 40.000 euros para afrontar os gastos do denominado proxecto Praia das Catedrais.
O rexedor dixo que “vendo aquí a realidade do que significa este areal para Ribadeo, para a comarca da Mariña e desde logo coa única institución, aparte do Concello, que nos está a axudar: a Deputación Provincial de Lugo, que grazas a este convenio que temos, duns 40.000 euros, permítenos reforzar como nunca o sistema de información turística. Si ben é certo que na oficina de turismo de Ribadeo a cantidade de visitantes que van alí pedir información é impresionante o punto de información turística das Catedrais aínda o supera en número”.
Suárez Barcia explicou que “aquí podemos, según me dicía a informadora turística, ver xente de calquera parte do Estado, xente de Rusia, de Venezuela ou de Uruguay ou de calquera país da Unión Europea. É unha mistura cultural riquísima e fermosa, pero As Catedrais tamén ten uns riscos moi, moi, moi perigosos, precisamente porque só o Concello se está facendo cargo, con este pequeno apoio da Deputación Provincial de Lugo, de algo que está transcendendo moito a capacidade e a responsabilidade dun Concello”.
O alcalde relatou que “eu mesmo o domingo á tardiña, casi enfilando á noitiña, tiven que mandar á Policía Local a regular o trafico aquí, neste areal, dado que os aparcamentos estaban prácticamente colapsados, os públicos, o que ten un privado e o que ten o Concello alugado, como fixo nestes últimos anos. Con todo á noitiña, cando noutras praias a xente está recolléndose, aquí a xente seguía chegando en marea humana”.
Fernando Suárez Barica considera que “é necesaria, e non me canso de predicar aínda que sexa no deserto, unha coordenación entre a Xunta, o goberno do Estado e o Concello. Porque si ben o goberno do Estado e a Xunta lucen orgullosos carteis de propaganda turística internacional e estatal coa foto da praia das Catedrais despois non se deixan caer por aquí para nada máis que para vagos anuncios de cousas que van facer ou campañas turísticas vagas que aínda non se puxeron en funcionamento”.
O rexedor ribadense advirte que “se non queremos matar entre todos a galiña dos ovos de ouro teremos que facer un plan de uso, un plan de xestión e temos que organizar isto porque senón se vai acabar matando a galiña dos ouvos de ouro, unha galiña que para Ribadeo e para a súa economía é moi importante. De aí esas visitas que cada vez con maior frecuencia e en maior número chegan a Ribadeo única e exclusivamente para ver o noso areal máis internacional. E digo isto, porque si non nos axudan faremos como no poema de Rosalía, tomaremos a xustiza pola man”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
