Ecogaleguistas pechan as listas electorais de AGE Espazo Ecosocialista incorporase á Alternativa
Galega de Esquerda
En Compostela a 19 de setembro de 2.012
Espazo Ecosocialista ven de incorporarse á Coalición Alternativa Galega de Esquerda
coas que concorrerá ás próximas eleccións autonómicas.
Aínda que non resolve satisfactoriamente a alternativa ampla, necesaria e demandada
pola cidadanía a Coalición Alternativa Galega de Esquerda supón un paso
importante na unidade da esquerda e na concentración electoral fronte ao PP, á
vez que unha nova experiencia na procura de superar a división da esquerda
nacionalista/non nacionalista baixo un proxecto nacional.
Temos diante de nos dúas tarefas fundamentais: reconstruír o espazo da esquerda
nacional renovadora e conseguir a derrota electoral do PP. Tarefas unicamente
posibles de conseguir desde a máxima unidade posible hoxe representada por
Alternativa Galega de Esquerdas.
Para os Ecogaleguistas tratouse sempre, neste proceso de reconstrución política da
esquerda nacional e do galeguismo político, de intentar conxugar o urxente (botar
ao PP da Xunta de Galicia e frear as políticas de desmantelamento do estado social e
democrático, así como o noso xa de por si reducido autogoberno) co necesario
(construír a máxima unidade político-electoral que permitira vertebrar unha alternativa
ampla e plural da esquerda e do galeguismo), á vez de atopar un espazo o máis
amplo posible desde o cal poder seguir avanzando no prioritario (a reconstrución
da esquerda baixo os parámetros nacionais e de renovación).
Desde Espazo Ecosocialista cremos que estamos nun período de transición no que
aínda debemos esforzarnos máis por buscar o encontro da esquerda nacional e
do galeguismo político, para os que necesitamos espazos de experimentación
nos que superar o sectarismo e a fragmentación política.
Para Ecogaleguistas débese avanzar nos maiores espazos de unidade que fagan
posible alternativa democrática e electoral ao PP e posibilitar no futuro a
recomposición da esquerda en clave nacional e de renovación.
Temos pois diante de nós dúas tarefas fundamentais: reconstruír o espazo da
esquerda nacional renovadora e conseguir a derrota electoral do PP. Tarefas
unicamente posibles de conseguir desde a máxima unidade posible hoxe representada
por Alternativa Galega de Esquerda.
A nosa incorporación faise baixo as premisas dun Acordo Político que asegura a
nosa participación nos órganos políticos, executivos e técnicos da coalición e a
participación activa do compoñente ecosocialista galego na mesma.
Estamos convencidos de que a presenza de Espazo Ecosocialista vai facilitar a
incorporación dun necesario sector social cidadá que doutro xeito non se
mobilizaría ante o imprescindible cambio político e vai servir de elemento
aglutinador dun espazo da esquerda nacional renovadora e verde.
Ademais, en consonancia co que vimos dicindo desde o noso nacemento, Espazo
Ecosocialista non esta preocupado pola posición nas listas electorais senón
ocupado pola renovación das ideas e da política, polos seus aspectos
propositivos. Nese senso, o feito de que os homes e mulleres ecosocialistas
exclusivamente pechemos as listas ademais dunha honra supón a confirmación
que é iso e non outras cuestións son as que nos moven.
Somos conscientes de que o proceso de renovación e converxencia da
esquerda galega non remata o 21-O, e de acordo coa nosa idea de cooperación
política na pluralidade, Espazo Ecosocialista manterá aberto o diálogo e
facilitará os espazos de encontro necesarios con todas as forzas progresistas e
galeguistas.
Proceso que de seguro será máis doado cun bo resultado da Coalición
Alternativa Galega de Esquerda e cunha derrota do Partido Popular.
————————————————————————————————-
Candidat*s de Espazo Ecosocialista
Manuel Dios Diz. A Coruña. Mestre en Santiago, presidente e
fundador do Seminario Galego de Educación para a Paz, tivo un papel
relevante nas orixes e desenvolvemento do sindicalismo nacionalista
galego nos ’70 e80 nas executivas da CXTG e da CIG; Coportavoz
de Espazo Ecosocialista.
Iván Rodríguez Lombardero. Lugo. Técnico en sustentabilidade,
exresponsable da area no concello de Ribadeo; Xerencia unha Casa de
Turismo Rural; Membro do Consello Nacional de Espazo Ecosocialista.
Maria Xesús Bóo Feijóo, Ourense. Ensinante; militante ecopacifista;
Co-portavoz de Espazo Ecosocialista
Xoán Hermida González. Pontevedra. Licenciado en Historia
Contemporánea e postgrao en filosofía pola USC, foi secretario de
Organización de Esquerda de Galicia e coordinador do Grupo
Parlamentar Mixto entre 1997 e 1999, foi director da ONG
AMARANTE desde outubro de 1999 a outubro de 2007;
Coordinador de Espazo Ecosocialista
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
