FABIO DÁLLE O TRIUNFO AO BURELA B SOBRE A BUCINA FINAL
O Burela FS Pescados Rubén B fíxose coa súa segunda vitoria consecutiva na pista do ADFS Bueu nun encontro moi rifado (4-5). Fabio deulle o triunfo ao cadro laranxa nun final trepidante sobre a bucina final. “A sorte de cara á portería que nos faltou noutras ocasións apareceu o sábado. Grazas ao acerto en finalización da primeira parte puidemos mellorar o noso xogo á volta do descanso para que o partido caese do noso lado” valorou Iván Cao ‘Lucas’.
A primeira parte da escuadra mariñá foi un tanto frouxa. O Bueu tivo as mellores chegadas, pero o Burela FS foi máis resolutivo, tomando a dianteira no marcador, con 2-2 ao descanso.
Ao regreso dos vestiarios, o Burela FS asumiu as rendas da cita con agresividade e con maior perigo sobre a portería local. Xa no minuto 22, Souka volveu colocar a vantaxe laranxa, pero o Bueu sacou de novo a artillería para empatar, no 26. Na recta final chegou o verdadeiro espectáculo. A pouco máis dun minuto, Antón subiu o 3-4, en superioridade numérica mariñá; non obstante, os pontevedreses reaccionaron con porteiro-xogador e nova igualada. Non había dúbida, o partido estaba para os burelistas e diso deu fe a aparición prodixiosa do máximo goleador burelista, Fabio, que aproveitou o seu propio rexeitamento para subir tres novos puntos á cuadrícula dos de Lucas.
Ficha técnica
ADFS Bueu: Hugo, Juanillo, Lea, David e Congui, no cinco inicial; tamén xogaron Pacho, Javi, Mon, Toño, Rafa e Adri
Burela FS B: Erik, Bruno de Nois, Antón, Carlitos e Souka, no cinco inicial; tamén xogaron Fabio, Xoia, Aarón e Pichi
Goles: 0-1, minuto 4, Carlitos; 1-1, minuto 11, Juanillo; 1-2, minuto 18, Bruno de Nois; 2-2, minuto 19, Congui; 2-3, minuto 22, Souka; 3-3, minuto 26, Congui; 3-4, minuto 39, Antón; 4-4, minuto 39, Mon; 4-5, minuto 39, Fabio
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
