O BNG de Barreiros pídelle ao alcalde que escoite os veciños e rectifique sobre a suba de taxas

OS NACIONALISTAS ASEGURAN QUE OS ACORDOS PLENARIOS PODEN REVISARSE E QUE RECTIFICAR É DE SABIOS. DESTE XEITO LLE LEMBRAN AO ALCALDE BARREIRENSE AS QUEIXAS DOS VECIÑOS POLO INCREMENTO QUE SOFRIRON NOS ÚLTIMOS MESES AS TAXAS E IMPOSTOS MUNICIPAIS.

Barreiros, 28 de novembro de 2012. O BNG asegura que os acordos plenarios poden revisarse. Así resposta á xustificación dada nas últimas horas polo alcalde de Barreiros, Alfonso Fuente, sobre o incremento das taxas e impostos municipais e ás críticas verquidas contra os partidos da oposición.

A portavoz do BNG, Ana Ermida, lembrou que “no pleno do pasado luns celebrado en Barreiros o BNG tivo que presentar coma unha pregunta as queixas dunha asociación de veciños porque o alcalde e o PP, que teñen a maioría, se negaron a que fora introducido como moción, incluso votaron en contra de que fora introducida coma unha moción in voce, de urxencia”.

Para os nacionalistas “isto da boa mostra de cal é a actitude e o respecto que ten o PP hacia os problemas das veciñas e dos veciños, non querendo tratar as cuestións que os preocupan e xustificando que é un tema que xa foi tratado. Pero todo o mundo sabe que os acordos plenarios se poden revisar e ademáis rectificar é de sabios, sobre todo cando as veciñas e os veciños están a pedir un novo debate sobre este asunto, que se pode levar a cabo”.

Ermida referíuse á xustificación e ás declaracións realizadas polo alcalde despois do pleno, “o que máis nos sorprende é que pretenda confundir á xente e que acuse ao resto de demagoxia cando él utiliza posturas e frases dos concelleiros do BNG sacadas de contexto, lidas parcialmente e que non responden á postura real que se mantivo no momento da suba das taxas. E ademais pretende explicar e introducir demagóxicamente unha diferenciación entre taxas e impostos, dicindo que os cartos que se recaudan só van aos servizos e que non ten nada que ver a xestión municipal”. An Ermida sinalou que “é evidente, e calquera persoa o pode entender que si hai que subir o prezo dos servizos, das taxas, para costear a auga, o saneamento ou o servizo de axuda no fogar é porque non hai cartos. E non hai cartos porque as partidas que se ingresaron nalgún momento no Concello de Barreiros desapareceron porque se xestionaron mal, porque se despilfarraron e porque se utilizaron para comprar favores. Por ise motivo houbo que pedir un crédito de dous millóns e medio de euros para tapar os buratos dunha nefasta xestión e por iso, como non hai cartos, hai que subir as taxas e os prezos públicos dos servizos”.

Insisten desde o BNG en que “é unha cuestión exclusivamente de xestión, é evidente que resposta a que non se xestionaron ben os cartos de todas e de todos e que a día de hoxe non se sabe onde está o diñeiro que ingresou o Concello de Barreiros nos anos bós. Tamén nos sorprende que no propio pleno o alcalde xustificou que a obra do convenio da auga, do famoso convenio Xunta, Deputación, Concello se vai realizar, se vai licitar a obra por Augas de Galicia e se vai a pagar por Augas de Galicia, poñan o resto das partes os seus cartos ou non. Parece que o Concello ou a Xunta sí que están dispostos a poñer a parte que lles corresponde poñer aos promotores, que nun principio se tiñan comprometido, pero pola contra o alcalde amósase claramente en contra de asumir ningún coste que poida beneficiar ás veciñas e aos veciños”.

Para o BNG “é algo insólito, que demostra para quen goberna o PP aquí, na Xunta e no goberno do Estado. Goberna para os ricos a costa de cargar aos veciños e ás veciñas con impostos”.