OS BURELISTAS DEIXAN A COPA DO REI
Os burelistas deixaron a Copa do Rei onte na rolda de dezaseisavos fronte ao Melilla FS, vendo escapar o empate lonxe da casa no último minuto (3-2). “Fomos de máis a menos; aínda que tivemos o control durante case todo o encontro, a nosa presenza ofensiva reduciuse, sobre todo na segunda parte, e o rival soubo aproveitar o seu maior acerto arriba”, analizou Julio Delgado.
A pesar do esgotador desprazamento, o cadro mariñán iniciou a cita con temperanza para facerse co dominio do xogo e do luminoso. Xa no minuto 4, Dani Martín marcou a primeira vantaxe nun contragolpe, que Mimi ampliou no 9 tras asistencia de André. Lonchu, no 10, reduciu distancias rescatando un lanzamento de falta de Yusef.
“O segundo período foi un calco do primeiro” admitiu Julio Delgado, que volveu ver “máis e mellores ocasións en ataque durante o primeiro tramo”. Yoni, de falta directa (minuto 31), igualou a contenda e na recta final unha xogada entre Rafita e Fernan adiantou os melillenses. A ansiedade dos burelistas no xogo de cinco, con Mimi como estandarte, non logrou satisfacer os desexos de continuar na copa real.
ElPozo Murcia
A expedición laranxa chegará este mediodía a terras levantinas para medirse o sábado ao impoñente ElPozo Murcia, a partir das 18.00 horas. Os pupilos de Julio Delgado teñen previsto realizar un par de sesións no seu destino, hoxe pola tarde e mañá pola mañá, para ultimar a preparacación de cara á gran cita.
O técnico burelista confesou certo desánimo no cadro, aínda que tamén confía na súa recuperación nestas 48 horas: “Non estamos ben; a de onte era unha inmellorable ocasión de culminar as boas sensacións que viñamos experimentando no xogo e non gañar foi un pau bastante grande. Non obstante, aínda nos quedan moitas horas para vernos con ElPozo; recuperaremos forza e ánimo e intentaremos dar a cara como o fixemos ante o Inter”, asegurou Julio.
Ficha técnica
Melilla FS: Toño, Yusef, Lonchu, Rafita e Kiko; tamén xogaron Yoni, Fernan, Juanmi e Francis Andújar
CD Burela FS Pescados Rubén: Iago Barro, André, Mimi, Dani Martín e Nacho Pedraza; tamén xogaron Iago Míguez, Hugo, Enrique y Christian
Árbitros: Peña Díaz e Peña Gómez, de Granada. Amoestaron a Fernan por parte local e a Nacho Pedraza, Hugo e Mimi por parte visitante
Goles: 0-1, min.4, Dani Martín; 0-2, min.9, Mimi; 1-2, min.10, Lonchu; 2-2, min.31, Yoni; 3-2, min.39, Rafita
Pabellón Javier Imbroda. Partido correspondente á rolda de dezaseisavos de final da Copa do Rei
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
