DE CHÍCAROS E NOSTALXIA
Días pasados tivo lugar en Foz a X Festa do Chícaro, o humilde e saboroso marisco bivalvo ao que os forasteiros chaman berberecho. Iniciouse cun fermoso, orixinal e emotivo pregón que con galanura e simpatía levaron a cabo pai e fillo da saga que na vila personifica o motivo da efeméride a través do apodo familiar e entrañable de Os Chícaros que fixeron as ledicias dun público numeroso que enchía a Casa da Cultura
É certo que os actos víronse parcialmente deslucidos polo temporal que arreciou; pero a eventualidade, imprevisible e inevitable, non desmereceu os acertos dunha organización que, sen dispendio, logrou un festexo digno e satisfactorio para a cidadanía, demostrando que facer as cousas, e ben, non é só cuestión de mais cartos…
Os cantos de taberna, sufriu tamén os prexuízos da climatoloxía; unha mágoa porque é expresión de fonda tradición aínda que hoxe en día, ao igual que en todas partes, a mocidade absorta nas novas tecnoloxías, esqueceu cantar. Son os signos dos tempos.
Acaso fose polos 50/60 do século pasado cando na vila se prodigaron mais os cantos de taberna. Avezados e xoves mariñeiros, posuidores de fermosas voces, tiñan nas cantigas o leiv motiv das súas xuntanzas, da amistosa convivencia: Mancha, Chingla, Alberto, Normando, Suso da Ramallada, Paco da Laia, Saturno, Moncho da Cacarela e moitos outros formaban o elenco das actuacións espontáneas, que moitas veces, nas noites de luar, en tempos de romántica vivencia, tiñan extensión na serenata do amador ou aspirante, baixo a fiestra dalgunha fermosa: “Despierta dulce amor de mi vida/ Despierta si te encuentras dormida:/ Escucha mi voz/ vibrar bajo tu ventana/ que en esta canción/ te vengo a entregar el alma./ Perdona si interrumpo tu sueño; /pero no pude más y esta noche te vengo a decir:¡te quiero! “, ou aquela de tanto candor: “Miña ruliña; meu pensamento/miña ruliña do meu tormento:/eiche cantar miña nena/ non te quero despertar/ pra que mañán os teus ollos / teñan un doce mirar…”.
A nostalxia invade a lembranza dos días de mocidade…
Suso Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
