Inscritas un centenar de persoas no IV Encontro de Cooperación, que abordará o futuro de Deputacións e pequenos Concellos
– Cinco expertos no estudo e funcionamento da administración local: Manuel Zafra, Roberto Blanco Valdés, José María Gimeno, Jordi Sevilla e Alba Nogueira, intervirán no foro o vindeiro luns
– As últimas prazas poden reservarse on line na páxina web da Deputación www.deputacionlugo.org ou ben enviando un fax ó número 982-24-04-09
Un centenar de persoas están inscritas xa no IV Encontro de Cooperación cos Concellos, organizado pola Deputación de Lugo para o vindeiro luns, unhas xornadas que abordarán un tema de máxima actualidade e transcendencia para as entidades locais, como é o propio futuro das Deputacións e os pequenos Concellos. Os interesados en participar no foro aínda poden reservar as últimas prazas entre hoxe e mañá xoves. Para elo, deben entrar na páxina web da Deputación www.deputacionlugo.org onde na portada atoparán un enlace directo ó IV Encontro de Cooperación cos Concellos. Dende este espazo poderán facer a súa solicitude on line, ou ben descargar o formulario de inscrición, e envialo por correo electrónico a cooperacion@deputacionlugo.org ou por fax, ó número 982-24-04-09.
Con este foro, a Deputación busca promover un debate plural e aberto sobre o futuro das Deputacións e dos pequenos Concellos, cando está enriba da mesa o anteproxecto de Lei de Racionalización e Sostenibilidade da Administración Local, que pretende clarificar as competencias municipais para evitar duplicidades e eliminar competencias impropias. O Encontro, que se desenvolverá entre as 10:30 e as 18:30 horas, componse dunha conferencia e dúas mesas redondas sobre o presente e futuro dos Goberno Locais Intermedios en España e Europa; a contratación conxunta como fórmula para aforrar custes; e os pequenos municipios diante da Reforma de Réxime Local.
Para abordar estes asuntos, a institución conta con cinco verdadeiras autoridades no estudo e funcionamento da administración local. Trátase de:
– Manuel Zafra: profesor titular de Ciencia Política e da Administración Pública da Universidade de Granada. Foi director xeral de Cooperación Local no Ministerio de Administración Públicas; director xeral de Administración Local na Junta de Andalucía e director do Plan Estratéxico da Deputación de Granada.
– Roberto Blanco Valdés: Catedrático de Dereito Político e Constitucional da USC, e escritor de máis de cen traballos e unha decea de libros.
– José María Gimeno Feliu: Catedrático de Dereito Administrativo da Universidade de Zaragoza. Trátase dun experto en contratación pública, que preside dende o 2011 o Tribunal Administrativo de Contratos Públicos de Aragón.
– Jordi Sevilla: Ministro de Administracións Públicas (2004-2007). É licenciado en Ciencias Económicas e pertence ó Corpo Superior de Técnicos Comerciais e Economistas do Estado.
– Alba Nogueira: profesora titular de Dereito Administrativo da USC.
Con este Encontro, a Deputación dá un paso máis no empeño de situar a Cooperación cos Concellos como a columna vertebral da acción do Goberno Provincial e como a verdadeira razón de ser desta institución, despois de ser este Executivo o que creou unha área específica de Cooperación e Asistencia ós Concellos, que antes non existía.
Para obter máis información sobre o Encontro de Cooperación ou resolver dúbidas, pódese chamar ós números de teléfono: 982-26-01-05; 982-26-01-06 ou 982-26-01-13.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
