Antonio Veiga denuncia que os dirixentes populares queren converter a defensa dos dereitos do pobo nun problema de orde pública
Os nacionalistas aseguran que as declaracións de Barreiro a favor da xerencia única sanitaria parecen un chiste de mal gusto
A Mariña, 4 de marzo de 2013. O Bloque Nacionalista Galego (BNG) da Mariña condena o despliegue policial e o emprego da violencia por parte das forzas de seguridade durante a concentración en defensa da sanidade da comarca e da devolución dos aforros dos afectados polas participacións preferentes ás portas do X Congreso Provincial do Partido Popular celebrado en Burela o pasado sábado.
Para Antonio Veiga, responsábel comarcal da formación, “o Partido Popular quere converter os actos que o pobo protagoniza en defensa dos seus dereitos, concentracións ou manifestacións nas que participan centos de persoas dun xeito pacífico, nun problema de orde pública. Cada vez que hai unha protesta os dirixentes do Partido Popular emparapétanse detrás dos antidisturbios, a garda civil e a policía en lugar de escoitar as reclamacións dos cidadáns, neste caso dos mariñáns, para buscarlle solucións; os populares non están dispostos a escoitar as voces que lle contan os dramas que se están a vivir no país.”
Neste senso, Veiga anunciou que o BNG demandará no Parlamento galego e no Congreso dos Deputados o rexeitamento ao uso da violencia por parte das forzas de seguridade na concentración de Burela.
Dende o Bloque Nacionalista Galego insístese en que “o fondo do problema segue a ser a implantación ou non da xerencia integrada que deixará á comarca cuns servizos sanitarios de segundo ou terceiro nivel ao limitar os dereitos dos mariñáns, reducir a súa seguridade sanitaria e converter ao Hospital da Costa nunha sucursal do HULA.”
“Pero non é menos grave –continúa o responsábel da formación nacionalista na Mariña- que o presidente provincial do Partido Popular, José Manuel Barreiro, avale a xerencia única provincial como modelo de xestión máis convinte para a comarca, negándose a ver as pésimas consecuencias que suporá para a saúde dos mariñáns. E coma se esta situación non fora xa suficientemente triste, o secretario xeral dos populares lucense, José Manuel Balseiro, ten a desfachatez de afirmar que a concentración do pobo en defensa dos seus dereitos danou á hostalería de Burela durante a fin de semana. “
A este respecto, Veiga conclúe que “o que realmente provocará unha diminución da actividade hostaleira da comarca e, polo tanto unha contrición da economía da Mariña, será a diminución de postos de traballo que provocará a xerencia integrada no Hospital da Costa, unha das empresas máis grandes da comarca.”
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).