A Xunta de Goberno vén de aprobar convenios para colaborar co Arao Festival de Foz, dotar de nova maquinaria ao Concello de Ribas de Sil e impulsar a competitividade das empresas da provincia a través da Confederación de Empresarios da Provincia
Lugo, 7 de agosto de 2026. A Xunta de Goberno da Deputación de Lugo aprobou este venres un novo paquete de investimentos para reforzar a cooperación cos concellos e impulsar o desenvolvemento económico da provincia mediante o apoio ao tecido empresarial e aos sectores produtivos. “Os acordos aos que chegamos hoxe teñen un denominador común: impulsar a actividade económica, mellorar os servizos e crear oportunidades no territorio”, destacou a responsable provincial. Así o informou a Voceira socialista do Goberno, Pilar García Porto, na rolda de prensa posterior á sesión.
No ámbito da cooperación municipal, a Xunta de Goberno aprobou dous convenios cos concellos de Foz e Ribas de Sil.
A institución provincial colaborará co Concello de Foz cunha achega de 18.148,79€ para financiar a celebración do Arao Festival, unha proposta cultural que combina música e outras actividades abertas ao público e que enriquecerá a programación estival do municipio. García Porto destacou que esta iniciativa “dinamiza a vida social e cultural de Foz, atrae visitantes e xera un impacto positivo para o comercio, a hostalaría e o turismo da Mariña”.
A Deputación tamén autorizou un investimento de 135.000 euros para o Concello de Ribas de Sil destinado á adquisición dunha miniescavadora para a prevención de incendios forestais e dun camión de servizos múltiples con sistema portacontedores. Unha actuación que permitirá reforzar a capacidade operativa do municipio tanto na prevención e resposta fronte aos incendios como na prestación dos servizos municipais, contribuíndo a mellorar a seguridade e a calidade de vida da veciñanza.
Impulso á competitividade das empresas lucenses
A Xunta de Goberno deu luz verde a un convenio bianual coa Confederación Empresarial da Provincia de Lugo, dotado con 180.000 euros -entre as anualidades 2026 e 2027-, para desenvolver o programa Lugo Presente e Produtivo.
A iniciativa permitirá impulsar accións de apoio ás empresas da provincia en ámbitos como a dixitalización, a innovación e a sustentabilidade. Ademais, contempla a elaboración dun estudo sobre o absentismo laboral no tecido empresarial lucense e unha guía de boas prácticas que sirva de ferramenta para empresas e profesionais. “O obxectivo é seguir fortalecendo a competitividade das empresas e contribuír á creación de emprego e riqueza na nosa provincia”, sinalou García Porto.
Formación para un sector estratéxico
A Xunta de Goberno aprobou tamén un convenio coa Asociación de Empresarios da Primeira Transformación da Madeira de Lugo por importe de 60.000 euros para poñer en marcha unha aula móbil forestal destinada á formación de operarios e operarias do sector.
Este proxecto permitirá achegar a formación directamente aos montes, facilitando o acceso á capacitación profesional, mellorando a cualificación das persoas traballadoras e incrementando a competitividade dun sector estratéxico para a provincia. Ademais, incluirá un módulo específico sobre boas prácticas para a conservación da rede viaria provincial, co obxectivo de compatibilizar a actividade forestal co coidado das infraestruturas públicas.
García Porto destacou que estes acordos “reflicten o compromiso da Deputación cos concellos, co tecido empresarial e cos sectores produtivos da provincia, apoiando iniciativas que xeran actividade económica, melloran os servizos públicos e contribúen a fixar poboación e crear oportunidades en todo o territorio”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
