Lugo, 26 de abril de 2013. A Vicepresidencia da Deputación de Lugo investirá 650.000 euros no Servizo de Axuda no Fogar (SAF) básico ao longo de 2013, o que supón un aumento de máis do 28 por cento con respecto a 2011. Durante o último ano, un total de 3.126 lucenses de toda a provincia beneficiáronse deste servizo financiado pola Deputación e os concellos. Prevese que o número de usuarios e usuarias para este ano se incremente en canto todos os concellos, agás Lugo por ter máis de 2.000 habitantes, presentaron xa a solicitude para optar ás axudas que concede a institución provincial.
Estes datos foron ofrecidos polo Vicepresidente da Deputación e delegado de Benestar Social e Deporte, Antonio Veiga, na rolda de prensa posterior á Xunta de Goberno de hoxe, na que valorou, tamén, os datos do servizo de Teleasistencia Domiciliaria que atende a máis de 1.488 usuarios e usuarias en toda a provincia.
Sobre esta asunto, Veiga recordou que o servizo de Teleasistencia se segue prestando grazas á iniciativa da Vicepresidencia da Deputación e dos concellos que acordaron financialo ao 50 por cento despois de coñecer que o Goberno do Estado suprimía a partida orzamentaria que dedicaba a cofinanciar dito servizo e que o Goberno galego non estaba disposto a participar na súa cofinanciación. Así, a área de Benestar Social e os concellos cofinancian ao 50 por cento a Teleasistencia Domiciliaria, cuxo custe anual ascende a 335.800 euros.
“Tanto os datos do Servizo de Axuda no Fogar básico como os da Teleasistencia Domiciliaria –explicou Veiga- demostran cal é a estratexia de goberno do ente provincial centrada na aprobación e posta en marcha de políticas dirixidas a garantir o benestar dos lucenses que viven no rural e tratar de que a prestación dos servizos sociais sexa un nicho de creación de postos de traballo. Só co Servizo de Axuda no Fogar básico creáronse 542 postos de traballo en toda a provincia. As actuacións que promovemos son diametralmente opostas ás da Xunta de Galiza e o Goberno do Estado, cuxas políticas van dirixidas a privatizar servizos fundamentais como a educación, a sanidade e os servizos sociais”
O Vicepresidente da institución provincial acusou á Xunta e ao Goberno do Estado de abandonar á súa sorte aos concellos de menos de 20.000 habitantes e, polo tanto, a centos de lucenses do rural. “O Partido Popular está aplicando o Aparheid territorial segundo o número de habitantes dos municipios. Os populares poñen en marcha políticas totalmente discriminatorias cos municipios do rural. Grazas a que a Vicepresidencia da Deputación e os concellos asumiron parte da financiación destes servizos os usuarios e usuarias poden seguir desfrutando deles sen ter que asumir un incremento do seu custe.”
Lugo, á cabeza do desemprego
Antonio Veiga valorou tamén dos datos da Enquisa de Poboación Activa coñecida onte e que sitúa a Lugo á cabeza do incremento do desemprego cun aumento do 22 por cento. Cunha poboación de 355.000 habitantes, que só haxa 120.200 ocupados, e tendo en conta que, aproximadamente, a metade da poboación é non activa, “a provincia de Lugo vive unha situación de emerxencia.”
“Estes datos –concluíu- sentencian o fracaso das políticas do Partido Popular centradas na austeridade e da súa reforma laboral.”
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
