O Presidente da Fundación TIC e da Deputación, José Ramón Gómez Besteiro, presentou este xoves o I Festival Itinerante de Balcóns e Espazos Sonoros (FIBES), unha iniciativa pioneira en Galicia organizada integramente polos alumnos de 1º de Produción da Escola de Imaxe e Son de Lugo, o único centro da provincia que imparte ensinanzas da rama audiovisual. O festival celebrarase o 10 de maio ó longo de todo o día en diversos balcóns e espazos do recinto amurallado da cidade de Lugo e conta coa colaboración dos alumnos de 1º de Realización, que se encargarán de gravar todas as actuacións.
No acto de presentación, que tivo lugar na Praza de San Marcos, tamén participaron o tenente de alcalde de Lugo, Luis Álvarez, e os directores do proxecto, Alejandro Losada e Marco Amor, ambos os dous alumnos de 1º de Produción da EIS. A presentación rematou coa actuación musical de David Prado.
FIBES:exemplo de práctica en escenarios reais
O máximo responsable provincial afirmou que “este é un exemplo do modelo educativo que promovemos na TIC, no que as prácticas en escenarios reais son fundamentais para acadar unha formación de calidade e axeitada á realidade á demanda do mercado laboral”. Neste senso subliñou que foron os propios alumnos os que tiveron a idea e os encargados de todo o proceso de produción e organización, incluída a presentación ante os medios de comunicación.
O festival suporá un día de concertos e espectáculos adaptados a cada localización e público. “É a primeira vez en Galicia que se empregan os balcóns para facer concertos e espectáculos de danza. Tan só se fixo algo similar nun par de cidades de toda España, o que dá máis valor ó traballo feito durante estes meses polos nosos alumnos”, apuntou o máximo responsable provincial. Ademais o FIBES servirá para dar a coñecer a diversos grupos e artistas lucenses e buscará a implicación do público co factor sorpresa como unha das súas principais características.
Implicación dos alumnos
Alejandro Losada explicou que a iniciativa xurdiu dentro do módulo de Planificación, Espectáculos e Eventos de 1º de Produción. A comezos de curso os alumnos presentaron varias propostas e finalmente optouse pola organización deste evento.
Na iniciativa tamén colaboran estudantes doutros centros educativos. É o caso dos alumnos do Conservatorio Profesional de Música de Lugo. Ademais, o logotipo do FIBES foi elaborado por Rodrigo Insua, alumno da Escola de Arte e Deseño Ramón Falcón, que tamén se encargou da toda a imaxe corporativa.
Horarios e localizacións
Pola súa banda, Marco Amor foi o encargado dar conta dos horarios e escenarios previstos, aínda que se reservan varias sorpresas para a propia xornada do festival.
11:00 horas na Praza de Abastos actuará o grupo Combo Jazz do Conservatorio Profesional de Música de Lugo.
12:30 horas no balcón do hotel Méndez Núñez actuación de David Taboada e Asociados.
17:00 horas no balcón Casa Consistorial actuarán agrupacións do Conservatorio.
19:00 horas no balcón do Pazo de San Marcos tocaralle a quenda ó grupo Tierra de cinco minutos
21:00 horas nos balcóns da Casa das Pombas, no fondo da Prazo do Campo, tocará o grupo de rock monfortino The Miñocas
22:00 horas , tamén nos balcóns de Casa das Pombas, o DJ KOO será o encargado de pechar o FIBES.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
