O prazo de inscrición está aberto e poden participar os nenos de 8 a 12 anos
Cervo, 13 de xuño de 2013-O Concello de Cervo e o Club Deportivo San Ciprián presentaron esta mañá os cursos gratuítos de iniciación ao piragüismo que arrincarán este luns e que se desenvolverán no encoro de Río Covo en períodos de 10 días durante toda a temporada estival. Un acto no que estiveron o alcalde, Alfonso Villares, o presidente do Club, José Antonio García Casas e o monitor de piragüismo, Javier García Garza, que quixeron anunciar que xa está aberto o prazo de preinscrición para esta actividade, que vai dirixida a nenos e nenas de entre 8 e 12 anos.
O único requisito para poder participar é saber nadar, xa que polo demais todo o material necesario como a piragua de iniciación, a pala e o chaleco achégao o club. Para informarse e apuntarse poden chamar ao 619 576 386.
Unha actividade coa que o Concello e o Club pretenden fomentar o deporte dende as categorías base e promocionar a práctica do piragüismo como unha disciplina “moi completa”. Ademais o rexedor destacou a importancia de dispoñer dunhas instalacións como as do encoro de Río Covo “que están perfectamente acondicionadas, tanto para a aprendizaxe como para o perfeccionamento e adestramento, e que temos que aproveitar e darlles o máximo uso posible”.
Este xoves recibíuse unha comunicación da Casa Real, felicitando pola consecución da Copa da Raíña 2025.
A mostra 'Universo Vizoso' permanecerá aberta ao público ata o 8 de xuño no Centro Sociocomunitario.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou este sábado a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
O conselleiro do Mar asistiu este sábado á charla sobre ‘Saúde, Deporte e Empresa’ que impartiu Juan Corbalán no centro sociocultural Avelino Díaz.
Categoría infantil: 1° Premio: Paula Martínez. 2°: Valentina Blanco. 3°: Empate entre Alejandra Castro e Saúl Tourón. Categoría primaria: 1° Premio: Lucy Fernández. 2°: Lily Fernández. 3°: Laia Rodríguez. Categoría adultos: 1° Premio: Tomás Mariño. 2°: Iria Baltar
Abordaron as necesidades deste municipio e avaliar posibles vías de colaboración desde a Xunta que contribúan á execución de proxectos conxuntos no marco do compromiso do Goberno galego coas entidades locais.
