Lara Méndez responsabiliza ao goberno galego de “despilfarrar fondos” ao paralizar o proxecto durante 15 anos nos que o custe pasou de 2,3 a 6 millóns de euros
Santiago de Compostela, 3 de xullo de 2025. A parlamentaria socialista Lara Méndez reclamoulle hoxe ao goberno galego que “cando menos” cumpra co compromiso acadado en 2010 para asumir o financiamento dunha terceira parte da Edar de San Miguel de Reinante, en Barreiros. Méndez presentou unha pregunta oral na Comisión de Obras Públicas do Parlamento para reclamarlle ao goberno galego que desbloquee este proxecto “logo de 15 anos de dimes e diretes”.
Advertiu que o empeño do goberno galego de “sacar balóns fora, dilatar procesos e poñer deberes a terceiros” está a provocar o “despilfarro e gasto innecesario de recursos”, xa que o proxecto, que inicialmente custaría 2,3 millóns de euros, neste momento ten aumentado ata os 6 millóns. Reclamoulle ao goberno galego que dispoña a súa parte ben a través dos 104 millóns de orzamento de Augas, a través do canon da auga que “utilizan de forma partidista” ou ben con fondos propios.
Sinalou que “ten que haber un compromiso decidido que non se pon de manifesto” por parte do goberno galego, que paralizou en primeiro lugar o proxecto de 2011, que retomaron en 2017 cun novo proxecto grazas á presión exercida polos socialistas galegos dende 2015, pero que seguen a dilatar dende o ano 2018.
Reivindicou unha “boa redistribución” de fondos, que sexa “xusta, equitativa e que corrixa desigualdades”, en contra da xestión discrecional por criterios políticos do PP, que mentres paralizaba o proxecto de Barreiros si que tiña fondos para financiar obras semellantes en Ribadeo ou Cervo. Ademais, afeoulle que sinalen ao goberno central ao que lle trasladan “como se debe facer o proxecto porque á Xunta interésalle dividilo en dous para ver se despois o financia ou non”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
