Desenvolverase durante os días 4, 5 e 6 de xullo e contará cunhas corenta actividades
Viveiro, 3 de xullo de 2025. O Concello de Viveiro volverá a mergullarse no seu pasado durante os días 4, 5 e 6 de xullo, cunha nova edición do Mercado Renacentista. A iniciativa contará cun programa dunhas corenta actividades entre as que se inclúen o tradicional desembarco de Carlos V, espectáculos de lume e acrobacias, música medieval, contacontos e un mercado artesanal de época.
Durante os tres días que durará a iniciativa, o centro histórico de Viveiro transformarase nun espazo cheo de cor, música e personaxes propios doutro tempo. O programa inclúe pasarrúas, actuacións de grupos locais como Bágoas da Terra, e animación de rúa a cargo de formacións como Gaeloc e Skaldir. O Recuncho Infantil, con atraccións ecolóxicas, estará dispoñible en horario de mercado para o público máis novo.
Mariña Gueimunde, alcaldesa de Viveiro, destacou que «esta cita xa consolidada no calendario cultural supón unha oportunidade para dinamizar o comercio e a hostalería local, ao tempo que permite poñer en valor o noso patrimonio histórico e atraer visitantes á nosa vila».
«Viveiro converterase de novo nun escenario aberto onde a historia cobrará vida; agardamos que veciños e visitantes desfruten dunha fin de semana chea de maxia, música e tradición», engadiu a rexedora.
Programación do Mercado Renacentista
Venres, 4 de xullo
18.00 horas: O mercado cobra vida.
20.00 horas: Desembarco de Carlos V na praia de Covas.
21.00 horas: Comezo do pasarrúas inaugural desde a praia ata a Praza Maior.
22.30 horas: Pregón inaugural e actuación de grupos musicais co grupo de baile Bágoas da Terra.
23.00 horas: O mercado pecha as súas portas.
Sábado, 5 de xullo
11.00 horas: Apertura do mercado.
11.30 horas: Ruada musical – Skaldir.
12.00 horas: Gaia natureza.
12.30 horas: Soa a música – Gaeloc.
13.00 horas: Retumban os tambores – Skaldir.
13.30 horas: Contacontos do bosque máxico.
13.45 horas: Música de antano – Gaeloc.
14.30 horas: Parada para o xantar.
18.00 horas: Ruxen os tambores – Skaldir.
18.30 horas: Show de acrobacias aéreas e malabares.
18.45 horas: Música renacentista na rúa – Gaeloc.
19.30 horas: Soa a música – Skaldir.
20.00 horas: Os feiticeiros percorren a rúa.
20.15 horas: Séquito musical – Gaeloc.
21.00 horas: Música no mercado – Skaldir.
22.00 horas: A noite en chamas – espectáculo de lume.
22.30 horas: Música antiga – Gaeloc.
23.00 horas: O mercado despídese ata mañá.
Domingo, 6 de xullo
11.00 horas: Apertura do mercado.
11.30 horas: Son doutros tempos – Skaldir.
12.00 horas: Gaia e bosque encantado.
12.30 horas: A música chega ó mercado – Gaeloc.
13.00 horas: Retumban os tambores – Skaldir.
13.30 horas: Os comerciantes percorren as rúas.
13.45 horas: Música de antano – Gaeloc.
14.30 horas: Parada para o xantar.
18.00 horas: Chega a música – Skaldir.
18.30 horas: Contacontos.
18.45 horas: Son de tambores – Gaeloc.
19.30 horas: Soa a música – Skaldir.
20.00 horas: Bestiario coa deusa Branca e o fauno.
20.15 horas: Séquito musical – Gaeloc.
21.00 horas: Música no mercado – Skaldir.
22.00 horas: Os diaños.
22.30 horas: Música tradicional – Gaeloc.
23.00 horas: O mercado despídese ata o vindeiro ano.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
