Ribadeo, 20 de outubro de 2026. O Concello de Ribadeo abre o prazo de inscrición para participar no Mercado de Nadal 2026. As solicitudes poden presentarse do 21 de outubro ao 4 de novembro.
A concelleira de Promoción Económica, Iniciativa Empresarial, Turismo e Comercio, Marta Saiz, explicou que “é unha iniciativa que reforza a aposta municipal pola promoción da artesanía e polo recoñecemento do traballo dos profesionais que, a través das súas creacións, contribúen a preservar os oficios artesanais, impulsar a creatividade e ofrecer produtos únicos e diferenciados”.
O mercado desenvolverase no Campo de San Francisco do 4 ao 8 de decembro de 2026, en horario de 11:00 a 14:30 horas e de 17:00 a 21:00 horas. Durante cinco días, este espazo converterase nun escaparate para artesáns, creadores, deseñadores e produtores gastronómicos, cunha especial atención aos produtos de elaboración propia e ás propostas que destacan pola súa orixinalidade, calidade e carácter singular.
Saiz indicou que “a promoción da artesanía constitúe un dos eixos fundamentais desta edición do Mercado de Nadal. O Concello busca dar maior visibilidade ao traballo artesanal, favorecer o contacto directo entre os profesionais e o público e crear novas oportunidades para a difusión e comercialización das creacións artesás. Con esta finalidade, o 75 % dos postos dispoñibles reservarase para obradoiros artesanais acreditados, reforzando así esa presenza dos profesionais que desenvolven unha actividade artesanal recoñecida. O 25 % restante poderá destinarse a outros creadores e deseñadores cuxas propostas se axusten á temática e aos obxectivos da convocatoria”.
E subliñou que “a iniciativa o que pretende é converter o mercado nun espazo de referencia para descubrir e adquirir produtos artesanais, coñecer o traballo que hai detrás de cada creación e valorar a dedicación, a técnica e a creatividade que caracterizan os oficios artesáns. Ao mesmo tempo, busca contribuír á sustentabilidade económica destas actividades e ao fortalecemento do tecido produtivo local. As bases reguladoras prohiben a revenda de produtos industriais ou elaborados por terceiros, co propósito de garantir unha oferta diferenciada e priorizar as creacións propias. Deste xeito, o mercado aposta por un modelo comercial no que a autenticidade, a calidade e o traballo artesanal sexan os principais elementos distintivos”.
A edil ribadense anima a participar no Mercado de Nadal: “desde o Concello de Ribadeo animamos especialmente aos obradoiros artesanais acreditados, así como ás persoas artesás e creadoras interesadas, a participar nesta nova edición e aproveitar este espazo para dar a coñecer as súas creacións, ampliar a súa visibilidade e achegar o seu traballo á veciñanza e ás persoas visitantes”.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
